SWED: u Dawqo Othuroyo da Zedqe Noşoye mtakasle knuşyo qamoyo cala neşe Mşihoyotho du Madınho Mescoyo
U Dawqo Othuroyo da Zedqe Noşoye mtakaswole u knuşyo qamoyo cala neşe Mşihoyotho du Madınho Mescoyo bu athro du Swed. Bu knuşyano dımdawamle yawmo, mqadım turgome mşahılfe me farsufe frişe leşan u teqwiyo da neşe bgawe du kenşo.
NORSKOPING, Swed – U knuşyano mşarele ba mele du mdabrono du dawqo othuroyo da zedqe noşoye Cemil Diyarbekerli dımqadamle mıltho dmırle bşayno la hadire kule u bıthır a mtargmone ha bha athın u mahkelın calu dawro di athto bgawe du kınşo u mın dawro klozım mıştacyo.
Diyarbekırli bi mıltheyde makadle u dawrp di athto bgawe du kınşo u sımle qrayto la neşe dmaydi duktho ba darğe da haye du kınşo kule. Lu knuşyano dsim bi mdito d’Norşoping hadır neşe ma sicotho da citawotho mşahılfotho dkito bu swed. Bıthır malkun malkun dkıtyo mbahnono u kothubomqadamle mıltho cali aththo bi yorutho u bu maktbzabno d’Bethnahrin.
Bıthır qaşişo Saliba Malıki u kohno di cito d’Mor Gabriel d’Norşoping mqadamle mıltho u dawro di athto bgawe di mşihoyutho u dilonoyith sımle u fuhomo dkito bayn di diyathiqi catiqto wi hathto u dawro di athto. Bıthır xuroyo Eyub Stefan u kohno di cito d’Mor Matay Nişoping mahkele calu dawro di athto bgawe di cito.
Bu turgomo tlithoyo u mcawnono d’Mor Yuliyos Gallo Şabo dayroyo Afram Lahdo u mşale cala bethdine citonoye bu Swed mahkele cala qonune wa zedqe dkıtla i athto bu taro di cito. Bu huthomo u mdabrono du dawqo Othuroyo da zedqe noşoye mahkele cala qonune emwothoye u kali calu ağuno dhulın a neşe laşan i hirutho dkito ucdo u be bzabno mırle u ağuno da neşe kımdawım laşan i şawyutho du kenşo.
Bıthır ma turgomani hawi droşe mşahılfe u bayn da droşani hawi aydarbo a knuşyani gımdawmi laşan a neşe dhowelın esore cam hdode u dqowe u dawro da neşe bayn du kınşo dkito.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
