The Sunday Telegraf mzaharle mu qento du qşoco da mşihoye bu Iraq

İ sferyawmo Britanoyto The Sunday Telegraf, mzaharla mu qento du qşoco da Mşihoye mu Ciraq, bi netiçe di tuhmonoyutho dkito bayn da mathhabe ucal dlayto şultonutho du qonuno bu Ciraq.

Bi mimartho dıfrısla i sfaryowmo Britanoyto, mawdacla dcıl mi aykanoyutho haruto di mşaynutho, elo hul ucdo kito heş Mşihoye masrene cama waridaththe bu Ciraq.

İ sferyawmo Britanoyto The Sunday Telegraf frısla mimartho dıkthıwole Koln Friman cali aykanoyutho da Mşihoye bu Ciraq.

Koln komır “i cito d’Mor Yawsef da Kaldoye bı Boğdod bu darbo da sayıryotho du duyoqo uba fulhone da dawriyat gawoye da puwelıs ksaymo u mede dıknofıl acla, bnişo dımamno u sutoro da n’abne di marcithayda mu qento dkımhadıd adyawma u Irak. Elo a’kursiye dfayişi xalye b’gawıd di cito kıgırşi u zuhoro cali golutho da n’abne di marcitho bnişo dkırxi cal haye mşayantır. Ubıthır m’golutho mkanaşto l’Urifi ul’Amerika balhude 50 yaqrotho fayış bı Boğdod ba 10 ışne haroyani mbayn da 200 yaqrotho dkıtwın hadome bi cito d’Mor Yawsef”.

U kathowo di mimartho, kmawdıc di golutho mkanaşto da Mşihoye mu Irak athyo luhwoyo mi celtho di tuhmonoyutho dkito bayn da mathhabe Iraqoye ucal dlayto şıltonutho du qonuno bu athrano.

U kathowo Friman komır “Boğdod idıctoyo dkıtla gawne kenşoye mşahılfe, elo hul ucdo kito u qento dhuwyo wahdo lu cnufyo bayn da mathhabe xdu mede dhawiwo m’zabno d’10 ışne dşaficina dhawınwo a’citotho nişo lu furqoco ulu tehriwo. A’Mşihoye du Iraq latne xıda Maşılmonayde awkith latlın tukoso da caşıryotho dıksındi hasaye lafele udımdafci ruhaye”.

İ sferyawmo Britanoyto The Sunday Telegraf, mathkarla da kohne d’Boğdod dıksaymi qroyto la Mşihoye dfayşi bu athraththe udnıfqi moro li yortuthaththe, kmıthomiste bu zyudo ba dugle ubi nxilutho, cal di sagiyutho da kohnani mşadarlın a’yaqrothaththe wu ahıl dkıtlın l’ğer athrawotho.

İ sferyawmo Britanoyto mşamahto dıkmathkıro dkito Mşihoye Ciraqoye dkıtlın sabro dımgalwın l’ğer athrawotho, kımakdoste dkito Mşihoye hrene dkıtne thabute bu cafraththe, u mıdlın fusqono dımdawmi dfayşi bu athraththe da n’abohotho. Farsufo mu camaydan du Iraq bi maqırhonutho dhule l’Sunday Telegraf mırle “krohamno u athraydi, u dothe dnofaqno mene, u şamco du idyoloji dkıtli gıdtofe”.