Tlotho farsufe hkimi calu qatlo du gelyunoro Hrant Dink

Bıthır me 14 eşne dşafıc calu qatlo du gelyunoro Hrant Dink, adyawma u bethdino Turkoyo hule fusqono, dmicaze 12 farsufe elo lo maglele man kito bıthre du qatlano.

Hrant Dink d’qtılwo b’falge di şuqo qum caynotho dkull noşo, hul adyawma lo magle calu qatlono, i celtho du medano’ste kmote u darğo du fusqono du qatlo la darğe celoye di dawle.

Adyomo u bethdino yaquro d’Stambıl hule u fusqono bhaq da farsufe dı mithomiwo bu qatlo du gılyunoro Armnoyo Hrant Dink dı qtıl meqım mucdo b’14 ışne. Bi sbuthathe du qatlo du gılyunoro barım mamle u tnoyo u bethine mşahılfe u mcaze farsufe frişe elo hul ucdo lo magle manyo bıthre du qatlano dkıtyo siyasi.

Bu fusqono haroyo du bethino hiw hbuşyo amine lı tre farsufe dkıtwene meqım haylawotho di mşaynutho elo a mşale dkıtwene bi wolitho bu zabno dı Qtil Hrant dink hiw elaye şnuqyo, mawxa u sniğro di iqartho hakan Bakırcıoğlu bi maqırhonutho dhule qum du tarco du bethdino d’Cağlayan d’Stanbul mırle ahna latna radye calu fusqonano metul dlı magle manwe bıthre du qatlano u be bzabno kito bsirwotho mşahılfe bu fusqoanano mawxa gıdmaskinale lu bethdino d’lalcıltır.

Bi dacwathe 67 farsufe thimene bu qatlano 6 manne dkıtne msike u 13 dkıtne mahızme hiw fusqone mşahılfe bhaq da farsufe dkıtne thime. U mede dık gorış u zuhoro u bethdino d’Turkiya bıthır me 14 ışne fsıqle da farsufe dkıtne msike kıtlın esore cam feto camu Fethullah gülen.

Bi sbuthathe idicoyo da farsufe dı msikiwo thimoye du qatlano frıswo vıdeo bhaq dıde dmahwın fsihutho su mşalo di mşaynutho du zabnawo Reşat Alatay  dkıtwe bı Trabzon u farsufano wa farsufe hrene dktwene mşale marfın hire mawxa ste latyo idico man mıdle u fusqono du qartlano.