Trump u Erdoğan hawilın mamlo cali sbutho d’Libya u d’Suriya

U rişono d’Amerika Donald Trump, hawile mamlo bu telefon camu baramnayde u Turkoyo Recep Tayyip Erdoğan cali sbutho d’Libya u d’Suriya. Bu mamlayde Trump, tlıble me Ankara dılo maqşiyo u qrobo b’Libya.

 Bebzabno u rişono du gayso Athronoyo d’Libya Khalifa Haftar, mzaharle Turkiya u huwle amro la folhayde dmaqşın a hjomathe cala folhe Turkoye ucala marhıbone bnayqyomo d’Ankara.

Lfuth u Qusro Heworo, u rişono Amerikoyo Donald Trump hawile athmıl mamlo bu telefon camu rişqutno d’Turkiya Recep Tayyip Erdoğan u kıle cali aykanoyutho d’Suriya udı Libya. Ba tebani dıfrisi bu tbocofroso, lo mathkır ğalabe mede calu mamlo dsim cal Suriya, elo a 2 gabe mıttafqi dımdawmi i methcadronutho folitiqoyto u folhoyto dkito beynothaye.

U Qusro Heworo mawdacle bu mamlayde Trump kali calu ğamo dıktocın, da hayle nuxroye zıttır maqşelın u qrobo b’Libya u calathe klozım a haylani, dmaklın a taxtuşani. Erdoğan mfanele, d’Turkiya lıgkayfo rişa mqabıl da gzome d’Haftar wu kenşo Emwothoyo’ste klozım dmahıt klayto mqabıl dide.

Turkiya kısundo i şultonutho dıkmısnodo mu kenşo Emwothoyo uba zabne haroyani mıdlın dukotho fries lu duyoqathe ubi netiçe, qaşın a taxtuşe cama hayle du gayso Athronoyo dkıtyo bi rişonutho d’Khalifa Haftar, dımzaharle naqla hreto Turkiya wa marhıbone noqufayda bu mhoyo.

U rabhaylawotho Haftar; dıkmısnıd me Rusya, Mısır wa İmarat Caraboye Mhayde, sımle athmıl mamlo la haylayde, dobın ağono casino mqabıl d’Turkiya uda marhıbonayda, hol dmığlobi a hayle kaboşe d’Turkiya dkubci dmarkıwi mamlaxtho hathto da Cuthmanoye. Ubu şıkılano’ste, sim athmıl cuqobe casye cal dkukotho frişe d’Trablous dkıtne buyoqo d’Turkiya.