Turkiya kıdırşo aydarbo kiba dmakılyo a hfitwotho dıkmisomi laşan u Sayfo

I sbutho du Sayfo du cameydan, kmıdroşo bu tbocofroso, u bebzabno Turkiya kıdırşo aydarbo kiba dmakılyo a hfitwotho dıkmisomi bu duxrono şatonoyo du Sayfo.

 AFP hule duktho la hfitwotho dsımle u gabo du Huyodo Suryoyo bi Hasake u b’Qamişli bu duxronano du Sayfo dıkmisım kull şato 15 b’Hziron.

 Bi mawdconutho dhule u mabuco d’AFP mahkele cala hfitwotho dsımle u gabo du huyodo Suryoyo GHS bu yawmo şatonoyo du sayfo u komır bu yawmano dsimi a hfitwotho bi Hasake u b’Qamişli maqıth şamce u bıthır bi Hasake u mathlono du gabo Gabriyel Şamcun sımle mamlo dsımle qrayto lu ray emwothoyo dı mawde bu sayfo dhawi calu camo Suryoyo-Othuroyo.

Bu mamleyde mırle maqbelu u sayfo du camo Suryoyo-Othuroyo u maqbelu i hiyoyutho du camo Suryoyo-Othuroyo. Me gabo hreno u mede dıkgorış u zuhoro u tebe dıfris bi dafo du Nawlo d’AA dık mahke cal ha knuşyo dsim bi rişonutho d’Erdoğan bi sbutho du sayfo.

Bu knuşyano dhawi Turkiya kmaqıblo da hfitwotho duksoyım u cameydan bi sbutho du Sayfo kmaqhıri Turkiya u kowın tırpılto li siyaseyda baynothoemwothoyith. I celtho di sbuthathe bu knuşyano dhawi bi rişonutho d’Erdoğan u maltamle a gabre dkıtle laşan dıdırşi aydarbo kibin maklın a hfitwotho wa esore dıkmisim bi sbutho du Sayfo lfuth u tebano dıfris.

Bu tebo kmitawmır kito athrawotho kmıstacmıli u lobi da Armnoye mqabıl didan elo ucdo latyo u yawmo şatonoyo du sayfo da Armınoye elo 15 Hzirın da Suryoyeyo. Bi sbuthathe Turkiya kıbco dkulyo mqabıl du lobi du Sayfo dıkmisım ma came dımafiti mu sayfano. U knuşyano dhawi bi rişonutho d’Erdoğan kıtwo farsufe xıd Bülent Arınç, Cemil Çiçek, Mehmet Ali Şahin, u farsufe hrene dkıtne qariwe ele.