I Nawale da Qasobe, Scirt
16/04/2022

TURKIYA: Qoyumo Arminoyo Garo Paylan mahwele hfuxyo mqabil du bnoyo cala bethqbure mkanşe. Komir ‘tloyo du qtolğenso’yo’

‘U bnoyo d’dukotho da dukane cal bethqbure mkanşe, u sukolayde tloyo du qtolğenso’yo’ a melani du qoyumo du Gabo Demoqratoyo da Came Garo Paylan’ne. U qoyumo Armınoyo frısle maqırhonutho cali Nawale da Qasobe b’Scırt u mırle; Ahna kınutrina dmitahwe iqoro la mithaydan u kull noşo klozım dımqadım b’hasasiye li sbuthathe dkıtla asirutho dcama zedqe noşoye.

16/04/2022

ANKARA/SCIRT – Bıthır mıd i şyltonutho d’Turkiya huwola aftho lu tecmiro d’dukane calan arcotho di Nawale da Qasobe dkıtyo wahdo d’405 dönume u dkibe qabre mkanşe mu zabno du Sayfo hola zabne haroye da Fayili meçhul u ğer qatle, kımdawmi a hfuxye du gabo di HDP mqabıl du fsosano dhuwla Ankara.

Garo Paylan dkıtwe ha ma 7 qoyume di HDP dazzewo li dukthathe dkıtyo b’Scırt, huwle maqırhonutho hreto cali sbuthathe ubı qaşyutho krıhle u camlano ulo noşoyo di şultonutho d’AKP. Bu mamlayde Paylan mırle; “Kınutrina dmitahwe iqoro la mithaydan u kull noşo klozım dımqadım b’hasasiye li sbuthathe dkıtla asirutho dcama zedqe noşoye.”

Bu mamlayde Paylan mawdacle bu qabrano u mkanşo kibe şlade dhol 300 Sohde Armınoye u Kaldoye dqtiliwo bu Sayfo dan 1915 u bıthır ban 1980’yatste, kibe Sohde di PKK. Paylan mawdacle’ste holan 1915 kıtwo Armınoye b’Scırt elo bıthır mu qtolğenso, naqıswo u mınyonathe wu adyawma law fayış ulo ha Armınoyo bi fnitho.

Paylan mırle; Lfuth a sohude du qtolğenso, i Nawale da Qasobe duktho du qtolğenso’wa wu ha dkıtwe mçarho aw kayiwo, mihalaqwo bu nahro. Adyawma kmıbce dmıbne bote cala garme da farsufani dqtili u hathe kımadilo, du ftakar tuhmonoyo u mankırono di dawle kmikarır-inaqla dmıknoşi a ithbate tahte di marşe-dewam du qtolğenso’yo.