U ajans da Tebe da Neşe-Nujinha frısle taşroro calu mınyono da neşe dqtili bu İran: 46 neşe u claymotho qtili b’yarho

SWED / IRAN – U ajans da Tebe da Neşe-Nujinha dımşatıs bu Swed, kımnase dmalım tahwiyotho cali aykanoyutho da neşe bu İran. Bu taşrorano’ste kmıgrış u zuhoro cali casqutho dkito dmitaltım mawdconwotho bi sbuthathe mcal fothe du mnoco folitiqoyo u marduthoyo dkito bu athro calu cnufyo dıkmisım cala neşe.

Nujinha maglele ba buhone dsımle, calu cnufyo barbroyo dsim cal 46 neşe u 5 nacime bu İran b’zabno d’yarho. 40 neşe u 5 nacime qatlo qtili me gabro di iqarthathe-awkith mu abro, mu ahuno, babo, humyono aw u barzawgathe. 6 neşe hrene simiwo icdam me thome dhawbe, elo d’naqla hreto lo mqafe ithbate calu mede dsim.

Bu taşrorano kmıkle’ste calu cnufyano dıkmisım cala neşe bu İran, dbi harayto kıqutli ruhaye me celotho dheş latne idice-xıd mathlo Maria Abdulrahmani dkıtwa 16 eşne umi mdito d’Baneh. Zcurto d’5 qtilo mu babo b’Mehrşahr u claymo qtile i nxiroyto cal dabico dgawro acme. Bu taşrorano, kmirozi an neşe kulle wu aydarbo qtili dlo rahme.

U mınyonano da neşe dqtili dkıtne heş b’cımro nacimo beyn 16-40 eşne, belhude u mede dkıtyo mqaydo bi ruşmoyutho’yo wu ajansano da neşe komır; Camhbol u mınyonano kibe dhowe ğalabe cleytır mu mede dımqafe ucdo u hathe kımadilo cali hzayto ucalu qedomo mhilo dkito la neşe ula zedqathe.