U athro d’Hollanda madcarle 7 athare lu Iraq

Adyawma dafe frişe du tbocofroso Emwothoyo, grışlın u zuhoro cala athare makthabzabnoye du Iraq wu husrono dıkhozın ma qrobe umu şuhlofo du muzoğo.

İ wazirutho di baroyutho du Iraq mawdacla, d’matila athmıl 7 falqe d’athare catiqe mu athro d’Hollanda. Mawdıc dan atharani nqiliwo l’Hollanda leşan u zebono elo bıthır mu cuqobo dsim cali şabake, mahıt ido calan atharani u maslımi li rişizgadutho du Iraq dkıtyo b’Hollanda

 Ba tebani dfrisi adyawma, griş dilonoyith u zuhoro cala harbotho dhdo ma citotho catiqotho du camaydan dkıtyo bu madhıbro du Iraq wu aydarbo hawyo dıbho la kriz dıkmdawmi hani eşne bu athro, cal d’noşo lıknofaqlın moro u camaniste, u tathir du şuhlofo dkowe bu muzoğo. İ cito d’al Aqiser dkıtyo b’Ain Tamr hawila 1500 eşne wu ucdo a şuronayda kull dkothe kmıshofi.

Camgabe di cito, kito’ste masığdo da Şica b’Karbala uğer bınyone catiqe bi mdito d’Bobel dkıtne bi lohitho d’UNESCO dıkhozın husrono. Me gabo hreno u malolo di wazirutho di baroyutho du Iraq Ahmed Al-Sahaf frısle athmıl maqırhonutho u mawdacle, di rişizgaduthathe dkıtyo b’Den Haag matila 7 falqe d’athare makthabzabnoye mi şultonutho d’Hollanda.

Anatharani’ste, du camaydan d’Bethnahrin’ne. U şutoso di mawdconutho udi yortutho d’Hollanda mahıtwole ido cala falqe dan atharani dmacbıriwo lo qonunoyith mu Iraq l’Hollanda. Ban alfayo d’athare catiqe du Iraq gniwi ma bethcatiqotho du Iraq mcal fothe du krize uda qrobe dıkmdawmi bu athro.

Ba 2014’ste kbışwolın a ğrobe marhıbone d’Dacış i mdito d’Mawsal ubı zabno d’3 eşne, mahrawole u shıfwole ğalabe ma athare makthabzabnoye du athro. Boğdod bıdela ucdo bu teltimo da athare dkıtne mvayce uba 2019, i bethcatiqotho d’Britania mcadarwola bu tedciro d’150 falqe d’athare dıgniwiwo mu Iraq.