U athro d’Kanada mawraxle u fusqono d’lımzabın zeyne li şultonutho Turkeyto

U athro d’Kanada mwaxarle naqa hreto u fusqono dmıdwole dı makle u zebono du zayno l’Turkiya me fothe du kboşeyda da thume du garbiyo d’Suriya.

Kanada u fusqonano dlımizabın zayno l’Turkiya mıdwola bıthır Turkiya sımwola hjomo cala arcotho d’Suriya.

U athro d’Kanada xıd hfuxyo mqabıl du cboro dı Turkiya la arcotho d’Suriya maklewola u zebono du zayno l’Turkiya. Ucdo u tboco froso du athro mawdacle du athro mwaxarle u zabno du fusqonano lzabno dı latyo mtahmo.

Kanada ksaymo hathe metul dlıgmaqıblo u cboro d’Turkiya la finyotho du garbyo u du madınho d’Suriya.

İşqad Kanada bu zabno dmıdwola u fusqono du tekliyo du zebono du zayno l’Turkiya iwazirutho di baroyutho mırwola, ahna xıd athro kmaklina u zebono du zayno l’Turkiya metul dı Turkiya cabiro la arcotho d’Suriya ahna kırhina ucborano u medano latyo maqıblo mu tarafeydan.

Me gabo hreno latyo u athro d’Kanada belhude dı maklele u zebono da zayne l’Turkiya metul du cboreyda la arcotho d’Suriya elo kito u athro d’Britanya, İtalya, Fransa, Almanya, Norweç, i qetnutho d’Çekya, Finlanda, Hollanda u İspanya