24/02/2021

U Bethdino d’Almanya hkımle ha ma mşale du rejim d’Suriya

Bethdino d’Almanya, hkımle ha ma mşale du rişathro d’Suriya Başar al Asad l’4 eşne u 6 yarhe hbuşyo cala hawbe du teşniqo dsımle b’Suriya.

 Hathe inaqla qamaytoyo, dıfqido du rejim d’Suriya kmıhkım b’bethdino dğer athro nuxroyo.

Lfuth u tebo dıfris Syriac Press, u bethdino d’Koblenz d’Almanya hkımle adyawma b’dacwa Emwothoyto dıftihowa mqabıl dıha ma fqide du rejim d’Suriya Raslan u mcadronayde Eyad Ğarib. Bu fusqonano du bethdino Almanoyo dıkmifaşıq u qamoyo, hkim u fqido l’4 eşne u 6 yarhe hbuşyo calu dawro dhawile ba hawbe barbroye dsimi mqabıl di noşutho.

Eyad al Ğarib dkıtyo 44 eşne u mşalo ba muxabarat du rejim d’al Asad, hze more d’hawbo calu snodayde bu msoko da mtagliyone mşayne d’Douma ubu şedorathe la hbuşye d’Darımsuq ba 2011. Ba hbuşyani’ste, mafiti a hbişoye b’teşniqe qaşye.

Bu mamlo dsımle Ğarib, dmıftakarwole bıthır mıd huwe u Raslan trewolın mu rejim ba 2012-gıdmisamhiwo u gıdqathwolın galwoyutho b’Almanya. A droşe qaşın b’Almanya cal d’qay Raslan qayıthle zedqo di galwoyutho udu Ğarib hkim lu hbuşyo. Elo i wazirutho di baroyutho du athro rfıdla, dhuwla l’Raslan zedqo dfoyış b’Almanya.

Check Also

A gabe u tukose komonist u semoloye mawdelın bu Sayfo da 1915

A gabe  u tukose  komonist baynothemwothoye frıslın maqırhonutho dıkmawdin bu sayfo du cam…