U camo Suryoyo di qritho di Cayn Wardo mathkarle u Sayfo
Bi cito d’Yuldath Aloho b’Cayn Wardo b’Tur Cabdin, layım mınyono ma comure-rabe u nacime, leşan dmitahke cali qritho bu zabno du Sayfo dsımwo calu camaydan. A nacime dkıtwın hadire’ste maqıthe şamce bu madhıbho di cito leşan a Sohde du Sayfo.
CAY WARDO, Tur Cabdin – Lfuth i mawdconutho dmatilan me Tur Cabdin, athmıl hın ma comure d’Cayn Wardo layimi bi cito d’Yuldath Aloho dkıtwa meqım mu Sayfo xıd harbtho. İ dukthathe, mitıstacmılowa xıd duktho la farsufe dnutriwo i mşaynutho di qritho ubu zabno du Sayfo, qtılwo 12 Kfarzoye eba.
İ taşcithathe, mathlo’yo la qatle barbroye dsimiwo calu camaydan. Yuhanun, mahkele la hadire calu zabno du Sayfo, a şartat du zabnawo, i siyase dmaşyo wu aydarbo bıthır mşarewole u qtolğensano calu camo Armınoyo u bıthır’ste calu camaydan ucala Pontusoye dıkhoyanwo bi mamlaxtho.
Myaqro Yuhanun mathkarle u mınyono celoyo dan abne du camaydan dqtiliwo bu zabnawo wi sniqutho dkito, dnufqina moro la Sohdani. Hdo athto dkıtwa hadırto bi cito d’Yuldath Aloho’ste mahkela i teşcitho d’sohıdto du Sayfo cala qatle barbroye dhawın’wo calan abne du camaydan dlo rahme. Elo camathe’ste, i hılto mahkela calu mrodo ucali gaborutho dha ma comure, dqtile u Kurdoyo dazze li qalco leşan dqotıl u Suryoyo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
