06/01/2021

U cedo da mşihoye lfuth u surgodo d’Juliyanus

Adyawma dkıtyo u Cedo du Mawlodo da citotho Mşihoyotho dıkmcaydi lfuth u surgodo d’Juliyanus, kıbcina ahnaste dımcaydina u Cedathe du Mawlodo d’Moran Yeşuc Mşiho.

 Leşan u tuyobo da zawhe du Cedano, a Fatıryarxe da citotho Orthodoksoye, da Eğuftoye, d’Ethiyopia, d’Rusya ud’Ukraina, mrayşanlın a slawotho dsimi lfuth a tedbire casye dmidi ba citothathe bu yawmo mqadşo mcal fothe di Corona.

A Mşihoye dıkmcaydi u cedo lfuth u surgodo d’Juliyanus, kımcaydi adyawma u Cedo du Mawlodo d’Yeşuc Mşiho, bu zabno da Mşihoye; dıkmcaydi u cedo lfuth u surgodo d’Ğriğoriyos- awkith 25 bu yarho d’Konun u qamoyo, bıdelın dtolın a dawme wa şamce du Cedo. Elo u cedo da citothani’ste, m’athır ma şartat umu maşıqlano u casqo.

39 ba mo da Mşihoye Orthodoksoye, dıkhoyın bu athro d’Rusya, mhaydarle ruhe lu cedano wu ramhıl 7 bu yarho’ste, gıdmcaydi u Mawlodo d’Yeşuc Mşiho. İ cito Armnoyto Şlihoyto’ste, kımcaydo adyawma u Cedo du Mawlodo-bu zabno da citotho hrene kımcayıdi a Danhe. Beyn dan athrawotho dıkmcaydi adyawma u Cedo zcuro, kito; i cito Malkoyto, Rusya, Georgia, Makedonia, Ukraina, Serbia,Yawnan, Armenia, Mısır, Ethiopiya, u ğer.

Ba milyone dıbnaynoşo, kımcaydi u cedo bu yawmano cal dıkmhaymni d’Mşiho, mawladwo 7 bu yarho d’Konun u haroyo. Elo mi celtho du virus di Corona, lo qadiri a Mşihoye dhudri ba Qurobe Alohoye dsimi bu cedano. Wu bıthır mu qrobo dhawi b’Nagorno Qarabax’ste, an Armınoye du qlimo u b’Armenia lo mcayadlın u cedano lfuth a eşne d’meqım.

U fırşono da surgode d’Juliyanus udı Ğreğoriyus, kıdocır lu doro d’Papa Mor Ğreğoriyus da 13. U Papa mtayabwole surgodo hatho ba 1582 bnişo dımcadıl u surgodo catiqo d’Juliyanus, dımtayabwo mu Julius Sesar(Caesar) 46 meqım me Mşiho. A citotho kulle, lo mbadli lfuth u surgodo d’Ğreğoriyus u fayışi masre bu surgodo catiqo d’Juliyanus.

Check Also

ESU u ferco d’Teçino d’Swisra sımle u duxrono da Sohde d’MUB bu hudro Suryoyo dkıtyo b’kantone

Me gabo hreno u Huyodo Suroyo d’Urifi-ESU u ferco d’Teçino d’Swisra, sımle u duxrono da So…