U Enstitut d’Bethnahrin dı Bruksel kımtayıb muroye da teşciyotho karye uda mimre bu ışmo d’Naum Faik

BRUKSEL – U Enstitut d’Bethnahrin dı Bruksel kımtayıb muroye da teşciyotho karye uda mimre bu ışmo d’Naum Faik. U nişo du muroyano dmıfroso i falsafe d’malfono Naum Faik, u bu xtutayde dmişajıc u camaydan dmıstacmıl u leşonayde u emhoyo.

A mimre wa taşciyotho karye dlo şıfci a 5 alfo mele hulu siqumo d’15 bu yarhano d’Konun u Haroyo kibe dmişadri lu email institutmesopotamie@gmail.com. A mimre wa taşciyotho klozım dhowın bu leşono Suryoyo, kibe dhowın kthiwe ba othwotho Suryoye aw latinoye, u latyo majbur dhowın kthobonoye.

U muroyano ftihoyo lkul noşo. 5 bu yarho dı Şbot bu yawmo şatonoyo du şunoyo d’Naum Faiq gıdmisım duxrono u zawho da şukone. Lani dıgmaydi u darğo qadmoyo gıdmidaşanne laptop, lu trayono telefon ulu tlithoyo tablet.