U gabo d’HBA mşarele lu feroqo di mcadronutho lu cameydan bu Iraq

U gabo du huyodo d’Bethnahrin athroyo cama şutose hrene du mawtbo umthoyo  d’Bethnahrin mşarelın bu feroqo di mcadronutho di tarmitho me lebo l’Lebo dkıtyo u snodo du cameydan di Golutho lu camo du athro bu zabnano u casqo dmamtele u kewo di Corona.  İ tarmithathe mşaryolın ba qastrat u mdinotho du daşto d’Ninwe laşan dımfarqi sanduqe da muklono ulsoye dıklozamlın a yaqrotho du cameydan dkıtlın casqutho.

İ tarmithathe dsimo calu darbo d’Suroyo tv dsımwole tahrazyotho ftihe lu camydan dısonıd u camo dkıtyo bu athro da abohotho.

Bıthır me Lebnon ucdo bu daşto d’Ninwe u gabo du huyodo d’Bethnahrin athroyo mşarele dımfarıq a mcadronwotho dkıtne sanduqe dkibın isniqutho da yaqrotho dıktne sniqoye lınne.

U feroqo mşarele b’Ankawa, Bartıle, Bacşiqa, Bahzane, Nuhadra u Alquş. Mu taraf da sicotho dımtakasle u gabo du huyodo d’Bethnahrin Athroyo.

Bu zabno du feroqo da mcadronwothani a mathlone da yaqrotho du cameydan mqadmiwo tawdiyotho lu camo Othuroyo-Suryoyo-Kaldoyo dkıtyo ba athrawotho di golutho.

Bıthır ma fınyothani u gabo kımdawım dımfarıq la sniqoye du cameydan dkıtne bu Iraq gawonoyo.