22/08/2021

U gabo d’HKP maşkele calu rişqutno d’Turkiya Recep Tayyip Erdoğan

U Gabo du xalas du Camo HKP maşkele calu rişqutnu d’Turkiya Recep Tayyip Erdoğan cal dımwasafle a Taliban.

I şkuwe l’Erdoğan hawyo cal dıksoyım propaganda l’Tukoso Marhıbono.

 Cal du rişqutnu d’Turkiya Recep Tayyip Erdoğan dmırle ” bı thnihutho kmıstaqbılina a maqırhonwotho b’kayle u rakixe da mdabrone da Taliban” a sniğre du Gabo du xalas du Camo HKP şafici li harake. U maşkelın cal Erdoğan li rişmqimdinutho di qutnutho d’Ankara mu hawbo dıksoyım propaganda du tukoso marhıbono.

Bhaq di şkuwathe u sniğro Doğan Erkan mırle ”Erdoğan mırwole kibe dmaqbıl a mdabrone da Taliban. Wi klaytathe didan ocdoste gıdımdawmina. Thnihoyena lu qdomo rakixo da mdabrone da Taliban.” A melani kımwasfi tukoso dsim iclan marhıbono mu mawtbo di mşaynutho d’Emwotho Mhaydotho.

Erkan m’akadle kımmina basyo li mwaxrutho d’AKP. U wesofo da Taliban laybe dhowe falqo ma haye siyasi u demoqratoye d’Turkiya. A hayle demoqratoye u siyasi d’Turkiya kul naqla gıd kırhi a Taliban. U nomuso esonoyo d’Turkiya’ste hawxa komır. Calathe Erdoğan klozım dmihaşu ma melani dmırle.