U hadomo di KCK Sabri Ök, sımle sturyo i şultonutho dı Turkiya cal dmacmasla caynotha mi qroyto dsımle u rişono di PKK Cabdalla Öçalan laşan du şlomo

U hadomo du Huyodo da Kenşe d’Kurdistan di KCK Sabri Ök, sımle sturyo i şultonutho dı Turkiya cal dmacmasla caynotha mi qroyto dsımle u rişono di PKK Cabdalla Öçalan laşan du şlomo bu siqumo d’27 bu yarho d’Şbot dşaficina. Ök bi maqırhonutho dhule lu froshezwo d’Sterk TV mawdacle dcılmıd di PKK maklela a’taxtuşe m’ha gabo bu şuroyo du yarhano d’Odor, elo naqla hreto i şultonutho d’Anqara lımıctarafla bu insiyativano, ulımhalaqla ste ulo dawsat dıkmıntarwo dmihalqi laşan da bazare du şlomo. 

Ök sımle ste sturyo l’Turkiya cal dlula ulsoyutho li qroyto d’Öçalan ulu tekliyo da taxtuşe mi xasra di PKK u mırle “Anqara lula ulo şıkıl d’maqırhonutho msimonoyto, ulımhalaqla ste ulo şıkıl dı dawsat du praktik. Anqara ktılbo mi PKK dqotır u lumodayde udımhalıq u zaynayde, elo dlo mi hirutho d’Öçalan manyo dkibe dımtayıb u lumodano yaste d’obe amro la mharbone dımhalqi u zaynaththe?. Kıtlan haymonutho di hirutho d’Öçalan ulsoyto laşan dmihalıq dawsta msimone”. 

Camgabıdathe, Ök grışle u zuhoro cala şudoye d’Anqara dlımaftila la haye bıthır mıdşafıc yarho cali qroyto d’Öçalan xda şuhlofe qonunoye wa sicotho du parlamento dıdrişiwo mi xasra di taşdarto d’Emrali cama tarafe Turkoye. Ök dımakadle dıklozım i şultonutho dı Turkiya dımtaybo arcutho dıkşuyo lu diyalog, mawdacle ste di rafyutho d’Anqara kamdilo dlatla mabco lu medano. 

M’gabo hreno, u rişqutno dı Turkiya Rejeb Tayeb Erdoğan bi egartho dıfrısle bu cedo du Ramazan, sımle qroyto lu gabo di PKK d’şore ruhe udımhalıq u zaynayde. Bi egarthayde Erdoğan mırle “u athraydan sımle u mede dıknofıl acle dım’akıd mi sbutho di qroyto. W’ucdo athi u zabno laşan du tukoso di PKK dmafıt i qroyto la haye dlo şartat. Latlan zabno wi msaybıronuthaydan latyo dlo thume. Kmıtyaqnina di PKK d’şore ruhe udımhalıq u zaynayde kulonoyith dlo şuhoro”.