U Huyodo Caraboyo mkamele uknuşyeyde dhawiwo calu talab d’Mısır

U huyodo da athrawotho caraboye mkamele u knuşyeyde dhawiwo calu talab du athro du Mısır bi sbutho du qrobo dkımdawım bu athro d’Libya.

 Bu knuşyano dhawi calu darbo du nawlo fsıqlın da hayle nuxroye dkıtne bu athro d’Libya u bamaye du yawmo klozım nıfqi.

Bu knuşyano du huyodo da Caraboye baynothaye a mathlone di şıltonutho d’Libya Trablus 21 athrawotho latimiwo calu darbo du nawlo.

Bu knuşyano dhawi calu talab di şıltonutho du Mısır amathlone da athrawotho du huyodo Caraboyo drışlın i aykanoyutho harayto du qrobo dkıtyo bu athro d’Libya.

Bıthır ma droşe dhawilın amathlone matın lı fusqono dıfırsi maqırhonutho bu fusqono dıfsıqlın.

U fusqonano hawxayo: a hayle nuxroye dkıtne b’Libya u bamaye d’Libya klozım dnıfqi , u lo ha hayle dkıtyo nuxroyo dı foyış ba thume du athro.

Bi sbuthathe u Mısır meqım kımo yawmotho mawdacwole en dhowe hjomo cal Serti a haylawotho du Mısır kıtlın ruşmoyutho dcıbri dımcawni Libya metul du camo d’Libya tlıbwole ruşmoyith d’Mısır hawi mcawnone mqabıl da jatawin dkımşadro Turkiya l’Libya.

Me gabo hreno kımdawmi a dıroşe qaşye da esoe bayn Turkiya u l’Fransa bi sbuthathe du qrobo d’Libya.