U Huyodo da Neşe d’Bethnahrin gıdmtayıb lumodo rwiho leşan dmihayıd u qolo wa talabe di athto Suryayto
U Huyodo da Neşe d’Bethnahrin-HNB cama şutosayde a hrene da neşe dkıtne ba falqe du athraydan, gıdmtayıb lumodo rwiho leşan dmihayıd u qolo wa talabe di athto du camaydan. Bu tarano’ste u lumodo gıdşofıc bi rişitho; Lumodo di Athto Surayto, u gıdmisım 12 bu yarhano bu athro d’Almanya.
POHLHEIM-GIESSEN, Almanya — U Huyodo da Neşe d’Bethnahrin frısle egrotho b’leşone frişe, leşan dgorış u zuhoro calu lumodo dgımtayıb bi şabtho dıbqamuthayna. Bi mawdconutho dmatilan, kmitamır, du lumodano di Athto Surayto dgımşare bi şoctho da 10.00 bu siqumo d’12 bu yarhano d’Tamuz b’Bürgerhaus Hausen Parkstrasse 2, b’Polheim-Giessen d’Almanya.
Bi egarthathe’ste HNB grışle u zuhoro calu maşıqlano dkibe şuşote u qente rabe cali ithuthaydan xıd camo u xıd ğenso di athto. Bnişo dmışfoci a qetrani, hzele HNB dkito mşalutho acle dmalım a neşe du camaydan dkıtne bu athro ubi golutho l’lumodo leşan dmıdrış u dawro di athto bu maşıqlano, aydarbo kiba dım’athlo u camaydan u mın klozım dsaymo lu şuşoto du ğensayda.
Bi egartho HNB mırle; Xıd Huyodo da Neşe d’Bethnahrin, kıtlan haymonutho kamılto di athto Surayto ba ışmonayda kulle, dkiba hiyaste dım’athlo u camayda wu ğensayda ba platforme du Madınho Mescoyo uban athrawotho du macırbo. Kısaymina qroyto lkull athto Surayto dhudro u lumodano bnişo dnufqina mene b’fusqone u b’sebyono qawyo.
Mawdıc’ste leşan i hdo dubco dmasro esore yaste kıtla şwole cali sbutho du lumodano, kiba dkurxo cal Berçin Ahron yaste cali mşalonitho d’HNB Ninve Rocyo.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
