U huyodo d’Urifi fsıqle dmahıt tedbire cal hın mşale Rusoye

U Huyodo d’Urifi fsıqle dmahıt tedbire cal mşale Rusoye calu dyoşathe da zedqe noşoye bi sbutho di dacwa du folitiqoro saqıbloyo Aleksy Navalni.

 Bu knuşyano dsımle athmıl u Huyodo d’Urifi b’Bruksel mıdle’ste fusqono, dmahıt tedbire cal mşale d’Venezuela u griş u zuhoro d’Myanmar, dkıtne hadire dmahti tedbire acleste.

A wazire di baroyutho da 27 athrawotho hadome bu Huyodo d’Urifi, matın athmıl l’awyutho dmahti heş tedbire cal Rusya. Bıgawe d’şabtho, kmıntır dmitahıt tedbire cal bu noquso 4 mşale rişoye d’Mosko; beynothaye; u rişono di sictho da buqore Aleksander Bastrykin, u mqımdino rişoyo İgor Krasnov, u mşalo dcala hbuşye Aleksander Kalasjnikov-dkıtyo u farsufo dxlıqwole u zayno di Kalaşnikov.

En dothe uu Mawtbo d’Urifi dım’ayıd a tedbirani, gıdhuwyo hathe inaqla qamayto du Huyodo d’Urifi kmıstacmıl mekanizma d’tedbire bu haqlo da dyoşe dsimi cala zedqe noşoye-awkith u qonuno hatho da tedbire dımbayanwola mqabıl da rejime. Ba tedbirani gıdmitaçmıdi a zuze dan 4 mşale Rusoye u gıdmitahıt mnoco du cborathe l’Urifi.

A tedbirani’ste gıdmitahti, calu qedomo dhawi mqabıl du folitiqoro saqıbloyo d’Kremlin Aleksey Navalni uda sanodayde wu qedomo dhawila Mosko la hfuxye du Huyodo d’Urifi. U mşalo Urifoyo Josef Borell mırle; Kull dkothe, kıruhqo Rusya me Urifi u kuwyo athro autoriter u hano signal’yo, d’Mosko lo kubco dhowela methcadronutho camu Huyodo.

Mosko kull naqla rfıdla a sturye dımqadmi ela bi sbuthathe d’Navanly ulo trewola a mathlone Urifoye dcubri u dhudri bu bethdino d’Navalny. Bu knuşyano, mid’ste fusqone hrene da tedbire cal mşale frişe d’Venezuela u griş u zuhoro da hayle folhoye d’Myanmar dsımlın u inqilab folhoyo cali rişonutho du athro.