11/12/2020

U Huyodo d’Urifi mahıtle tedbire hathe mqabıl Turkiya xıd hfuxyo

A rişone du Huyodo d’Urifi dlayimi bi mditho d’Bruksel, bu knuşyo dhawilın athmıl u adyawma, mbayanlın tedbire hathe mqabıl Turkiya xıd hfuxyo mqabıl da fulhone lo qonunoye dıksaymolın bu madınho du yamo Mescoyo.

 Lfuth u buyono du huthomo, afarsufe wa şırkat dkıtlın mşalutho cala fulhone du krozo dcalu ğaz bu madınho du yamo Mescoyo, gıdmitagıldi azuzathe u lıgıdmitahwelın fsoso dşıfci la narcotho du Huyodo d’Urifi.

 U knuşyo d’Bruxel da rişone du Huyodo d’Urifi, bu buyono du huthomayde mawdacle dmahıtle tedbire mqabıl d’farsufe u şırkat Turkoye dkıtlın mşalutho cala fulhone du hforo udu duyoqo daclu ğaz dıkmisomi bu madınho du yamo Mescoyo. U knuşyo da rişone Urifoye krıhleste adawsat dımhalqi mıha gabo mi xasra dı Turkiya bi sbutho du ftoho di fnitho d’Maraş b’Qufrus, u sımleste qroyto dmitabdın abazare dcali hdoyutho di Gozarto d’Qufrus. Camgabıdathe, arişone du Huyodo d’Urifi makadlın dgıdhowelın sdirutho cam Amerika bi sbutho du kriz du madınho du yamo Mescoyo.

Adyawma u rişqutno dı Fransa Emanuwel Macron bu mamlo dsımle bu knuşyo d’Bruxel, mawdacle dı Turkiya bu şedoro du zayno uda mharbone l’Libya kımhadıdo i mşaynutho d’Urifi, u mathkarle ste da tedbire dgıdmitahti bıthır cal Turkiya, gıdmaydi mşale u şutose momunoye di şultonutho dı Turkiya nişo elaye. Bebzabno, Macron makadle dlayto şbuqyo l’Turkiya ba dyoşe dıksaymolın bi sbutho du şedoro du zayno l’Libya, u mawdacle ste bu yarho d’Othır dıbqamuthayna gıdmimıd fusqono bi sbutho du dactid da n’esore du Huyodo d’Urifi cam Turkiya.

A’rişone du Huyodo d’Urifi athmıl matınwo l’awyutho dmitahıt tedbire mhadıde mqabıl d’farsufe Turkoye, mi celtho du kriz du kroxo cala mabuce du ğaz udu nafto ba sforyame qlimoye du Yawnan ud’Qufrus. A’rişone Urifoye mawdaclın ste dgıdırşi i sbutho dmitahıt tedbire qşetır cal Turkiya bu yarho d’Othır dıbqamuthayna, u hathe ste mfothıd di frişutho dkıtwo bayn da n’athrawotho du Huyodo d’Urifi calu şıkıl du qedomo laf Anqara.

Mxasra hreto, u athro du Yawnan mahwele i cajazayde cal da rişone d’Urifi lımatın awyutho dmınci u şedoro d’zayne l’Turkiya awste dmahti tedbire cala şutose momunoye di şultonutho d’Erdoğan. U rişwazire du Yawnan Kiryakos Mitsotakis bu zabno dmatiwo athmıl lu knuşyo d’Bruxel mırwole “i şarirutho du Huyodo d’Urifi bu qento yo”.

Ba şabe dıbqamuthayna gıdmibayno lohitho dkiba an’ışmone da farsufe uda şırkat Turkoye dgıdmitahıt tedbire aclaye, bnişo dmiaydo i lohitho ruşmoyith ma n’athrawotho hadome du Huyodo d’Urifi lfuth u buyono du huthomo du knuşyo da 27 da rişone du Huyodo.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…