11/12/2020

U Papa mdafacle a yuthrone du dewam di ithutho Mşihoyto

İ qadişutho du papa du Vatikan Mor Fransis Qadmoyo, mdafacle a yuthrone du dewam di ithutho Mşihoyto bu Iraq u b’Suriya, u sımle qroyto lu kenşo emwothoyo dımşajıc abnaynoşo dmahzamlın ma qrobe, dı dıcri mehatho la nathrawothathe.

 İ dayira du Vatikan du şuşoto du quyomo bnaynoşoyo, mtayabla athmıl lqoyto bu darbo du nawlo, dmıştawtafle zıd me 50 tukose dlatne masre cam şultonutho u dıkfılhi b’Suriya u bu Iraq.

İlqoytathe dımrayşınole i qadişutho du papa Mor Fransis Qadmoyo, mıştawtaflelaste mathlone m’Lebnon, m’Yurdnon um’Turkiya, uba casrowat d’mathlone hrene d’knuşyotho di mcadronutho, u şutose gawoye da citotho Qatholiqoyotho, baynothaye mathlone d’şutose u marciyotho dıkfılhi bi fnitho du madınho mescoyo.

Mor Fransis bi egartho dıfrısle bi lqoytahthe mırle “kmıftakarno dilonoyith ba farsufe dıçbiri dıtorın a’botaththe udmahızmi ma haşe da qrobe, laşan dkurxi cal şartat d’haye tawtır. Kmıftakarno dilonoyith ba Mşihoye d’Suriya udu Iraq dıçbiri dıtorın a’dukothaththe dmawlıdi d’yariwi ud’hamico ebaye i haymonuthaththe. Klozım dnıfqina moro lu dewam di ithutho Mşihoyto ba n’arcothani. A’Mşihoye d’Suriya u du Iraq işara du şlomo, du şuşoto u du şbuqyo bayn da farsufe u da came”.

Lfuth u buyono gelyunoroyo dıfrısla i dayira Vatikanoyto, amıştawtfone di lqoytathe drışlın aydarbo kibe dmişawşıto i sdirutho bayn da şutose citonoye mgawne, bnişo dmişawşıti a’haye da bnaynoşo dıkhozın casqutho bu madınho mescoyo.

Meqım mathe yawme dıtre dşaficina, i qadişutho du papa Mor Fransis mawdacwole dgıdsoyım socurutho lu athro du Iraq bu şuroyo du yarho d’Othır dıbqamuthayna.

Check Also

USAİD kımdawım d’sonıd u maşıqlo du bnoyo u du hethotho di daşto d’Ninwe

U tukoso Amerikoyo du quyomo Emwothoyo-USAİD, kımdawım d’sonıd u maşıqlo du bnoyo u du het…