U Huyodo d’Urifi sımle qroyto la gabe kulle d’Libya dmaklın a taxtuşe

U Huyodo d’Urifi sımle qroyto la gabe saqıbloye d’Libya dmaklın ataxtuşe udmıştawtıfi b’şıkıl jıddi la bazare du şlomo.

 Camgabıdathe, Fransa dıqla u noquşo du qento dıksaymole i mudaxala Turkoyto b’Libya cali qıtca d’Urifi, u mawdacla du qento mati l’qum da tarce d’Urifi.

 U mşalo di siyase baroyto du Huyodo d’Urifi Josep Boril, sımle qroyto la gabe saqubloye d’Libya, dmaklın ahjome folhoye dcalıhdode, udmabdın baroyo diyalog mawthrono du şlomo.

Boril bu buyono mşawtıfo dıfrısle athmıl cama wazire di baroyutho d’Almanya, Fransa u İtalya, sımle qroyto la tre gabe saqıbloye d’Libya dmaqıbli b’surhobo şlayuthzayno, udmıgroşi ahaylawotho nuxroye, ajatawiye wa zayne mu athro.

U buyonano u mşawtıfo, athi luhwoyo bıthır ma fulhone diplomatikoye dsimi bi rişonutho d’Almanya, bnişo dmibayın şroyo folitiqoyo lu kriz d’Libya.

Camgabıdathe, mabuco diplomatikoyo Franşoyo mzaharle mi mudaxala folhoyto dı Turkiya bu athro d’Libya, u mawdacle du qento di mudaxala Turkoyto hawi qum da tarce d’Urifi. Cayni mabuco mathkarleste d’Urifi latyo tıhnıhto ma qyome dkowın bayn Turkiya u Rusya cali aykanoyutho d’Libya, u mırle “aqyomani latne mawthrone li şalyutho d’Urifi”.

Mxasra hreto, u rişono du rejim dı Turkiya Erdoğan athmıl mawdacle du athrayde gdımdawım bu snodo di şultonutho athronoyto d’Alwifaq dkımrayşanla Fayez Alsarraj ba haqle folhoye u mdinoye kulle. Lfuth i dafo d’Bulgarian Military, Anqara mşadarla sfintho folhoyto mu darğo tlithoyo la maye qlimoye d’Libya, bnişo dsındo i şultonutho d’Alsarraj mqabıl du gayso dkımrayşanle Xalifa Haftar ba qrobe dkito ucdo hedor di mditho d’Sırt.