U İran mawdacle dmaqımle miholo a’dawriyat da powelıs da n’axlaq b’şıkıl kulonoyo

U rişono du parlamento du İran Muhammad Baqer Qalibav mawdacle dsim şuhlofo bu qonuno di bthılthoyutho udu hijab, u mathkarle ste du qonuno hatho maqımle miholo a’dawriyat da powelıs da n’axlaq b’şıkıl kulonoyo. 

Qalibav mawdacle ste da şuhlofe dsimi bu qonuno, kıtlın u nişo dımşahılfi a’şıklat du mahwo şqolo dcami sbutho du lwoşo du hijab yo, udhowe awyutho gawonoyto acla. 

U qonuno du hijab bu İran sbutho dıxlıqla şğuşyo rabo b’gawıd du kenşoyo. Uba n’ışne haroyani mqadamwo menyono dı rmoyotho, bnişo dmişahlıf u şıkıl du tefitayde la haye. 

İ sbutho du lwoşo du hijab dkıtyo çbari cala neşe du İran, hawyowa celtho da protestawiye qaşye dımbarbızo ba fenyotho mşahılfe du athro, bıthır mu qatlo di claymtho Mahsa Amini dımsikowa ma powelıs da n’axlaq bı Tahran bi şato da 2022.