U NATO mzaharle mu qento du rwoho du Sin

U notarrozo gawonoyo du NATO Jens Stoltenberg mzaharle mu qento du rwoho du Sin u mırle u sin ba fulhone dıksoyım mati la tarce d’Urifi.

 Stoltenberg bu mamlo dsımle lıhdo sfaryawmo Almanoyto mırle. Urmoşo dıksoyım u Sin gıdmamte cam ruhe şuhlofo da hayle dıbritho.

U  notarrozo gawonoyo du NATO Jens Stoltenberg bi mawdconutho dhule, mzaharle u Sin cala fulhone du rwoho dıksoyım bu zabno haroyano bi xasra di arcoyutho dıkmarkıw ban athrawotho dkıtne qariwe l’Urifi.

Bu mamleyde Stoltenberg mırle; U Sin kımtayıb zayne u soruhe dkibın dmohın an athrawotho d’Urifi, mawxa i qıtca du macırbo klozım dmihaydo mqabıl du medano dkobıc dsoyım u Sin. Metul u Sin mqadamle la tarce d’Urifi. U Sin bu zabno haroyano bıthır mıd marwahle a fulhonayde b’Afrika ubu yamo Heworo, mşarele dımşatıs fulhone di arcoyutho bhın ma athrawotho d’Urifi.

Stoltenberg mırle; Hol adyawma lathi gzomo lo lha man athrawotho du NATO, elo kmıhze du Sin, marwahle a fulhonayde bu garbyo du yamo du Sin, mathlo a sfinothayde kımaciqi u darbo cala sfinotho hrene dkıtne bu yamano.

U notarrozo gawonoyo du NATO Jens Stoltenberg bi mawdconuthathe dhule me gabo mzaharle an athrawotho du macırbo dkolın mqabıl du rwoho du Sin ume gabo hreno, gzımle u Sin dmakle a i mudaxalayde ba sebwotho gawoye dhın athrawotho du macırbo.