U notarozo gawonoyo du NATO Jens Stoltenberg mirle: Athi u zabno d’Turkiya u Hungaria dmacbıri u Swed lu NATO
Bi maqırhonutho dhuwle u notarozo gawonoyo du NATO Jens Stoltenberg mırle; Athi u zabno d’Turkiya u Hungaria, dmacbıri u Swed lu NATO. Bebzabno u rişwazire Swedoyo Ulf Kristersson mawdacle bi sbuthathe di hadomuthathe bu NATO, d’Turkiya kıtulbo medone mu Swed dlaybe dobelın.
BRUKSEL – U notarozo gawonoyo du huyodo du NATO Jens Stoltenberg bi maqırhonutho dhuwle athmıl lu froshezwo du Swed mırle; Lfuth i hzaytaydi, klozım ucdo dmitaqbılo u muraçaca du Swed u d’Finland wu medano mırli’ste b’Stanbul bu zabno du droşo dhawili camu rişqutno Erdoğan.
Stoltenberg mırle; U Swed u Finland mtabaqlın a qyome dımdelın cam Turkiya bi sbutho di hadomuthathe u calathe kıtlan sabro, d’Turkiya cal qariwo dmıdyo i muraçacathe du Swed-dkıtyo ucdo athro dkıtle garantiye di mşaynutho me Amerika, Britania uğer athrawotho hadome du NATO. Awkith u Swed ucdo, athro mşayantır me meqım’yo.
Turkiya dıkmahto şartat qum du Swed u dıktulbo mene dmitaslamla Turkoye dkıtne saqıbloye du rejim. Calu qedomano d’Ankara lu Swed bi sbuthathe’ste, u rişwazire Ulf Kristersson mırle; Turkiya kıtulbo medone menayna, dlayban dobinalın ela. İ şultonutho du Swed, layba dmaqıblo a şartat dıkmahto Turkiya leşan u cborayde lu NATO.
Elo Kristersson m’akdoyo, d’Turkiya gıdmıdyo i muraçacathe, elo lıkodıc ema kibe dhowe u medano. Bebzabno u rişwazire mawdacle’ste du Swed gıdsonıd a cuqobe di mşaynutho du NATO u gıdmcadır ba dawriyat oyaroye dgısoyım calu Baltik.
Bi sbutho di hadomutho dlu NATO, Finland’ste m’akadla, dlatla niye dcubro ucdo lu NATO u gıdnutro lu Swed, cal di muraçacathe, camhıdode simolın u camhıdode gıdmkamlila.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
