Efesqufo Mor Awgin Quryaqos masrih mitrofolito
U efesqufo di marcitho du Hınd di cito d’Madınho d’Othuroye Mor Awgin Quryaqos masrıh lu darğo d’Mitrofolito. Mxasra hreto, i claymutho di marcitho du Hınd di cito d’Madınho d’Othuroye layimo lıhdode bi rocyutho di qadişutho du fatıryarxo Mor Awa Roel.
HIND – İ qadişutho du fatıryarxo di cito d’Madınho d’Othuroye Mor Awa Roel dıksoyım ucdo socurutho şlihoyto lu athro du Hınd, mrayşanle athmıl safrayto, u qurobo alohoyo dımtayıb bi cito d’Yuldath Aloho bi mditho dı Trişur.
Li sluthathe mıştawtafle arbıco hsayo, kone, şamoşe u şamışyotho, u kunoşo rabo ma n’abne di marcitho du Hınd.
B’zawho dilonoyo dımtayıb bu qerowano, fatıryarxo Mor Awa Roel masrahle u efesqufo du Hınd Mor Awgin Quryaqos lu darğo d’Mitrofolito.
İ qadişuthayde bu mamlo dsımle bu zawhano, mhanele u mitrofolito Mor Awgin wi marcithayde, u tlıblele kuşore bi mşablonutho di cito.
Mxasra hreto, i qadişutho d’Mor Awa Roel laqi ışto bu yarhano, hedor d’150 clayme u claymotho bu taro di lqoyto dımtaybola i marcitho laşan di claymutho.
Bu lqoyano, i claymutho mşayela şuwole ğalabe dkıtlın asirutho cami cito, wi qadişuthayde cama hsayo u efesqufe mfanelın a’şuwolani.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
