U Papa mzaharle cali aykanoyutho da mşihoye b’Lebnon

U rişono di cito qatholiqoyto dı britho i qadişutho du Papa Mor Fransis Qadmoyo, mzaharle calu qento du tedhcifo di ithutho Mşihoyto b’Lebnon.

 İ qadişuthayde, bi ytawto dhawile cam menyono d’rişızgade bu Vatikan, mawdacle du tdhcifo da Mşihoye d’Lebnon gıdsohıf u athro momunoyith, wu madınho mescoyoste gdımvayıc i dilaytayde.

 İ qadişutho du papa Mor Fransis Qadmoyo, mıstaqbele athmıl bu Vatikan a’rişızagde da nathrawotho dkıtne ruşmoye mu kursiyo şlihoyo, u mqadamlın li qadişuthayde tahanyotho bi cohnutho di şato hathto.

Lfuth a’şutose du tboco froso d’Lebnon, Mor Fransis bi ytawtathe mzaharle mu qento du tedhcifo du camo Mşihoyo b’Lebnon, umu tahir dgıdhowele u medano calu kaylo di şawyutho gawoyto bayn da came du athro. Mor Fransis mırle ste “u tdhcifo du camo Mşihoyo d’Lebnon kımhadıd bu tetimo di şawyutho gawoyto ubu shofo momunoyo du athro.

Bi ytawtathe, u papa kaliste cali ulsoyutho dmiqafe şroyo lu qetro da galwoye Suriye u Fleştoye b’Lebnon, ubebzabno mahwele sabro d’Lebnon dhowe masro cama fusqone athronoye u emwothoye, bnişo dnofıq mqabıl du qento du lhoyo di hiyoyuthayde i athronoyto udi mudaxala qlimoyto dıkmisomo ba sebwothayde a’gawoye.

Camgabıdathe, u papa tlıble dmınfıq moro li hiyoyutho dilonoyto d’Lebnon, bnişo dmisım u garanti d’howe u madınho mescoyo qlimo mgawne dkibe şbuqyo, u makadle ste dlıkowe dhuyo i Mşihoyutho qalilutho b’gawıd du madınho, elo klozım dhuyo falqo asasi mu kenşo du qlimo.

Bi haryato du mamlayde, Mor Fransis sımle qroyto la rişone folitiqoye u tawdithoye d’Lebnon, dmahti a’manfacat dıththe l’xasra, udhowın b’fusqono kamilo dmafiti la haye a’şuhlofe wi kinutho, udfılhi b’şafyutho.