U qaymaqam d’Bağdede Cisam Bahnam Matti sımle socurutho li qritho d’Alqasır

U qaymaqam di qastra d’Bağdede di daşto d’Ninwe ardixlo Cisam Bahnam Matti sımle socurutho li qritho d’Alqasır dkıtyo masırto cam Bağdede bi xasra di mdabronutho

Bi socuruthayde u qaymaqam Matti kali cali aykanoyutho da zabuqone dıkmisomi asfalt, u şamıcste la talabe dkıtlın a’comure di qritho.

Bu taro di tahrazto da fulhonayde, u qaymaqam di qastra Suryoyto d’Bağdede di daşto d’Ninwe ardixlo Cisam Bahnam Matti, athmıl sımle socurutho li qritho d’Alqasır dkıtyo hdo ma qıryawotho dkıtyo i mdabronuthaththe masırto cami qastra d’Bağdede.

U qaymaqam Matti bi socuruthayde li qritho d’Alqasır dkıtyo u menyonayda hedor 5 alfo farsufe, kıtwo acme taşdarto dıkmişaklo mu mdabrono da pwelıs d’Bağdede rabhaylawotho Falah.

U qaymaqam Matti dkıtyo bebzabno u mcadrono du rişono du gabo du Huyodo d’Bethnahrin Athroyo d’HBA, laqi a’comure di qritho u menyono ma hadome du mawtbo di claymutho d’Alqasır.

Bi socuruthathe, u qaymaqam d’Bağdede kali cali aykanoyutho da zabuqone di qritho dıkmisomi ucdo asfalt b’yurxo d’alfo mıtrowiye, u mıdleste mawdconutho cali aykanoyutho di ciyeşe yawmonoyto da comure di qritho u şamıc la talabaththe ula tarmiyotho dkıtlın sniqutho elaye.

Hathe i naqla qamaytoyo dıkmisomi a’zabuqone asfalt b’gawıd da qıryawotho bu Iraq.