U qaymaqam di qastra d’Şigur mzaharle i şıltonutho du Iraq da marıhbone d’Dacş naqqa hreto mşarelın dhowın qento

U qaymaqam di qastra d’Şigur Mhama Xalil Cali Ağa mzharale i şıltonutho du Iraq da marıhbone d’Dacş naqqa hreto mşarelın dhowın qento li fnitho da yezidoye.

 Cali Ağa bi mawdconutho dhule komır cayni senaryo dhawi bi şato da 2014 a marıhbone bimomo mdinoyewene u b’lalyo marıhbonewın.

 U qaymaqam Cali Ağa ktolıb di şıltonutho d’Boğdod dmaydo tadbire wa haylawotho di mşaynutho dhowın mahise, metul dıkmahwe naqa hreto kito qento da marıhbone ducri naqqa hreto u kıbşi a dukotho dhedor i hiğmonutho d’Ninwe.

Bi mawdconutho dhule lu tboco frıoso komır krığşina dkito rmoşo hatho da marıhbone, wu rmoşano kdome lu rmoşo la ışne dmeqım d’Dacş kbışwole a dukotho d’Şigur.

Bu zabno di şato da 2014’ste a marıhbone b’imomo hoyınwo xıd mdinoye bayn du camo u blalyo howınwo marıhbone, ucdoste cayni mede kmahwe dkito farsufe dıkmahwın mdinoye elo b’lalyo kowın marıhbone, bu şıkılano kımtaksi farsufe hathe la gurube da marıhbone.

Mawxa u qaymaqam d’Şigur Cali Ağa sımle qrayto li şıltonutho d’Boğdod u lu qlimo d’Kurdistan dmaydi tadbire dumdaxli li sbuthathe laşan dlo docır cayni tahrazto du kboşo dhawyo wa bi şato da 2015.