23/04/2022

U qoyumo Tuma Çelik mqadamle rmoyto calu qento du husrono dkito cali cito d’Mor Efrem d’Merde

23/04/2022

MERDE – U qoyumo du cameydan bu parlemento du athro d’Turkiya Tuma Çelik mqadamle rmoyto lu waziro du turizm u di mardutho Nuri Ersoy dıg gorış u zuhoro cali dayro d’Mor Afrem dkıtyo bi mdito d’Merde. U qoyumo bi rmoyteyde kımşayıl mu waziro cali dayrathe dı mahto bu qento du hroe-wo bıthır mıd I karxutho macmarla park da radoyotho sida.

İ dayrathe dkıtyo dayro catiqto di cito qathuliqoyto hani zabno I karxutho d’Merde hula fsoso dmitacmır parkda radoyotho sida, u tecmirano hule husrono li dayrathe xıd frıswo tebe bu tboco froso qlimoyo u ahnaste frıswolan a tebani.

Ucdo u qoyumo komır lfuth a tebe dıfrisi I dayro matyo lı darğo dhusrono mutecmirano mawxste mqadamle rmoyto dkmışayıl şuwole mu waziro cali dayrathe.

  1. Bi qamayto u qoyumo kımşayıl en kıtle tebo calu tecmiro dkowe si dayrathe.
  2. Hal sim buhono calu husrono dhawi bi dayro bu zabno du cforo di cmarathe.
  3. En u waziro mıdle tadbir mqabıl duhusronano dkibe mahru I dayro kula.
  4. Gawonoyith u qoyumo du cameydan kımşayıl mu waziro di mardutho en gıdnofıq moro li dayrathe laşan dlo hurwo cal dkıtyo bınyono yurtuthoyo di mşihoyutho.