U rişizgado d’Almanya gzımle Turkiya bi hatro

Bi sbutho di mwatyutho dkito beyn Turkiya u da athrawotho d’Urifi, u rişizgado d’Almanya dkıtyo bu Yawnan Ernst Reichel bi maqırhonutho dhule mırle; Cal qariwo u Mawtbo d’Urifi gıdmahwe i hatreyde l’Turkiya.

 Bi mawtyutho dkito bu Huyodo d’Urifi, bi ytawto dıgdowele 24 u 25 bu yarhano cali sbuthathe, kmıntır dmoyıd tedbire u dsoyım maqırhonwotho qaşye mqabıl d’Turkiya.

 Reichel bu mamlo dsımle qum di krılto du parlamento d’Yawnan dıkmaydo a fulhone d’Urifi li ido mırle; Mqabıl didan kito şbobo casqo, lo belhude Turkiya elo Rusyaste. Ahna klozım maqnıcina Turkiya u ono bu renyeydi, bi sbuthathe klozım dobina funoyo u qedomo qaşyo l’Turkiya, dkibe howe dmiqadamla hatro u bebzabno gezoro awkith dsaymina i siyase rakıxto u naşıfto camhıdode.

Bi sbutho du athrathe Almanya, u rişizgado mırle; U ono kmıtyaqano u Mawtbo d’Urifi gıdmahwe i hatreyde l’Turkiya. I rişathwazire Angela Merkel wu waziro di baroyutho Heiko Maas me qariwo kımcaqbi u şwolano d’Turkiya.Merkel ba esore dıksaymo, matela i sbutho l’duktho tawto d’Turkiya grışla i sfitayda mu yamo Mescoyo.

Ba yawmotho d’şaficina u rişono du mawtbo d’Urifi Charles Michel mırwole; Klozım dmaşena i siyase di hatro me xasra udu gezoro me xasra hreto.