U rişqutno du Iraq Latif Raşid, mıstaqbele taşdarto mu İnstitut du Şlomo d’Amerika

BOĞDOD – Athmıl mıstaqbele u rişqutno du Iraq taşdarto mu İnstitut du Şlomo d’Amerika bi arişkoyto Boğdod. Bu zabno di ytawtathe dhawyo, u rişqutno Latif Raşid m’akadle cali ulsoyutho du terkiwo da prensibe asasi du şlomo bu kenşo Cıraqoyo dıklozım dmitarkıw cal arcutho da haye mşawtıfe udu fhomo beyn da came frişe du athro.  

Raşid mawdacle’ste du maşıqlo dıkşofıc u Iraq ebe ucdo, kmirayşın mi mşaynutho umi şalyutho bu taro da fulhone dıkmaşyo i şultonutho d’Boğdod, leşan u terkiwo du şlomo bu athro, lu teqwiyo du momuno udi xıdme dıkmaşın a dayirat ruşmoye u dnufqo mqabıl du fasad dkito bu Iraq.  

U rişqutno kali’ste cali ulsoyutho du teqwiyo di butçe du athro leşan u şuşoto du bınyono tahtoyo du athro. İ taşdarto Amerikoyto mahkela calu nişayda dkıtyo u snodo da qalilotho u dsundo u bnoyo u hethotho da dukotho da qalilothani dımharıri mu tukoso marhıbono d’Dacış.   

Bebzabno i taşdarto mhanela u rişqutno calu dawro dıkmıştace bu haqlo du terkiwo di şalyutho udi mşaynutho da qalilotho frişe du Iraq. Bu tarano i taşdarto grışla u zuhoro cali ulsoyutho di methcadronutho beyn Boğdod udu İnstitut du Şlomo d’Amerika leşan u bnoyo u teqwiyo du şlomo udu şuşoto du Iraq.