28/01/2023

U rişwaziro du Cıraq al Sudani mqadamle tahinyotho l‘UNESCO lu hethotho d’Mawsal

U rişwazire du Cıraq Mohammed al Sudani, mqadamle a tahınyothayde li rişonitho du tukoso UNESCO, calu inisyatif dmıdle leşan u bnoyo u hethotho di mdito d’Mawsal. İ mawdconuthathe hiwo, mi rişizgadutho du Cıraq b’Paris bıthır mi ytawto dhawyo beyn al Sudani wi rişonitho d’UNESCO Audrey Azoulay.

28/01/2023

BOĞDOD / PARIS – Bi mawdconutho dhiwo mi rişizgadutho du Cıraq b’Fransa mawdıc du rişwazire al Sudani, bu zabno di socuruthayde l’Paris hawile’ste ytawto cami rişonitho du tukoso d’UNESCO Audrey Azoulay. Li ytawtathe’ste hadır mathlone mi wazirutho di baroyutho d’Fransa wu rişizgado Cıraqoyo b’Paris.

Bi ytawtathe’ste a 2 mşale huwlın a hzayothathe aydarbo kiba dmitaqwıyo i methcadronutho dbeyn du Cıraq udu tukoso u dmitaqwın a esore dbeyn hıdode. Bi mawdconuthathe m’akıdste, du rişwazire mqadamle a tahınyothayde l’Azoulay cali tarmitho dgımabde UNESCO leşan u hethotho d’Mawsal.

Bi sbuthathe i şultonutho d’Boğdod kubco dkulyo dilonoyith calu masığdo catiqo d’al Nuri dmitahıt bi lohitho di yortutho d’UNESCO. U tukoso marhıbono d’Dacış dkbışwole Mawsal ba 2014, huwole husrone rabe li mdito ula dukotho tawdithoye da came; beynothaye’ste citotho, dayre ula dukotho catiqotho du camaydan. Bu zabno di socuruthayde l’Paris, mdewole u rişwazire mınyono d’tahwiyotho di methcadronutho camu rişqutno Emmanuel Macron.