U şutoso da clayme Suryoye mabdele hfitutho laşan u Sayfo

U şutoso da clayme Suryoye, mabdele hfitutho du teşmico du Sayfo bıbritho calu darbo du nawlo.

 İ hfituthathe dıksaymi qrayto li claymutho u lkul noşo, kıtılbi dkull ha menayna bu bayto d’gorış sırto dkıtyo calu Sayfo.

 U şutoso da clayme Suryoye dıksaymi hfitwotho laşan isbutho du cameydan mabdelın hfitutho laşan maşımci isbutho du  Sayfo lıbritho. İ hfituthathe dımşarelın dı mawdcila cala dafe du nawlo kıbci nu cameydan gawonoyith u mi claymutheydan frişoyith dkul ha menan dı kothuw mede calu sayfo cal luho, u bıthır tocın i luho u goraşla sırto u mşadarla lu şutoso di claymutho laşan dfırsilın bu tboco froso.

Amşale du şutoso mawdaclın dkul ma farsufe du cameydan kibın kıthwi bu leşono dkibın u gurşi i sırto u mşadrila lu meilano dkıtyo kthiwo C Suryoye Att Yahoo nuqto com.

Bi mawdconutho dmıdlan ma mşale du şutoso di claymutho mawdaclın dıgdowelın hfitwotho mşahılfe bu zabnano du Sayfo laşan dıqudri mawdıci isbutho du Sayfo.

Aclayme Suryoye dıksındi i kampanya du huyodo Suroyo d’Urifi ESU kmawdıci di bocuthathe mu cameydan dmıştawtıfi la hfitwotho dıkmisomi bu zabnano du Sayfo laşan dmawsıqina isbutho la platforme dıbritho, u dmitawde ebe.