U virus d’Corona b’Surhobo kımdawım dmibarbız bu athro du İran

U virus d’Corona dkımdawım b’surhobo dmibarbız bu İran, dıqleste u tarco du makıthbo du rişono celoyo dkulle du İran Cali Xaminyi.

Camgabıd d’wazire, qoyume u mşale folhoye, u Virus d’Corona tafiste lha ma mşale du makıthbo d’Xaminyi.

Bıthır mıdmawdacle u Sin dnaqıs u menyono da mdinoye dıkmaythi kul yawmo bi celtho du kewo d’Corona, u İran kmawdıc du virusano kımdawım kul yawmo dhosıd 60 hul 70 barmothoye du athro, baynothaye mşale b’darğo celoyo.

Adyawma du kewo du Virus d’Corona dıqle i naqlathe u tarco du makıthbo du rişono celoyo dkulle Cali Xamınyi. U ajans da tebe d’Farıs du İran, mawdacle du mşalo du duyoqo uda hşowe du makıthbo d’Xamınyi Muhammad Jawad Erwani tafi ele u kewo d’Corona dmawdacle u şutoso tibeloyo du hulmono dkıtyo pademi awkith gunho noşoyo tibeloyo.

U ajans d’Farıs athmılste frısle lohitho da mşale İranoye dqayıthlın u kewo d’Corona, baynothaye arbıco wazire bi şultonutho dkıtne u mcadrono du rişqutno, i mcadronutho du rişqutno dcala sebwotho di athto, u waziro du snoco wu waziro du turist u hamşo qoyume bu parlamento.

Camgabıdathe, a’şutose du tboco froso du İran mawdaclın du mcadrono du rişono du qentrun d’Alquds da sebwotho lojestik dkıtyo cayıd la noture qawmonoye du İran Mahmud Plark mayıth adyawma bu kewo d’Corona.

Be bzabno, u ajans dkıtyo qariwo la noture qawmonoye du İran, makadle athmıl du mcadrono du rişqutno İshaq Jahangiri tafi ele u virus d’Corona.