U virus d’Corona tafi l’24 athrawotho bı britho
Hol 300 bnaynoşo bu Sin mvayaclın a hayathe mu virus d’Corona u hol 14.300 hrene’ste tafilın u virusano. Mawdıc du virusano mbarbız lhol 24 athrawotho frişe. Ucdo’ste kmitawdıc, du virusano hawi celtho lu mawto du farsufo qamoyo dlatyo mu Sin. Gabro d’44 eşne ma Filippin nqil ma haye mu virusano d’Corona.
Lfuth i sfaryawmo d’South China Morning Post, u virus d’Corona hawi ucdo celtho lu mawto dhol 304 farsufe bu Sin u kito hol 14.300 bnaynoşo d’tafilın u virusano wu mınyonano’ste, kımdawım dcole. Ucdo’ste kmitawdıc, du farsufo qamoyo dlatyo Sinoyo, dınqil ma haye mu virusano d’Corona.
Gabro ma Filippin dkıtwe cımre 44 eşne dsımwole socurutho l’Wuhan du Sin, mvayacle a hayayde. Mi mditathe d’Wuhan’yo dımşarele u virusano da rotho-di fışıkke. Cali aykanoyuthathe d’Corona, athrawotho frişe dbritho; beynothaye u Swed dkıtle hol 15 farsufe bu Sin, bıdelın bu nqolo da bnaymothoyathe mu Sin.
Meqım 2 yawme, mawdacwo d’athto Swedoyto b’Jönköping tafiwola u virusano, elo athmıl mawdıc di aykanoyuthayda tawto’yo ulo matfela u virusano lğer noşo. Bıthır mıd nafıqwo u virusano b’Wuhan, simowa i mdito kula izola ma mdinotho hrene du athro, leşan dlo mibarbız u kewo.
Bi mditathe kıhoye ba milyone dıbnaynoşo ubi mdito d’Wenzhou mbayın qonune yaqure lu mazlo u mathyo da comure. A zabuqone sxiri wu traffik kali wa dukotho cılmoye kulle-xıda betharke, bethcatiqotho, a dukotho du shoyo uğer sxiri. Belhude ha farsufo me kull iqartho, kıtle zedqo dnofıq kull 2 yawme leşan d’zowın a sniqwotho dkito lu bayto.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
