07/02/2020

U waziro d’Hungaria sımle sturyo a şultonwotho dı britho dlıksındi a Msihoye bı britho

07/02/2020

İ şultonutho d’Hungaria sımla sturyo qaşyo Emwotho Mahydotho wu Huyodo d’Urifi cal dlıkmafiti li tahrazto da fulhonathe, i sbutho da Mşihoye dıkmırdofi bı britho.

 Bebzabno, Hungaria thımla an athrawotho Mşihoye dıkımnasın dşulhi i hiyoyuthathe i Mşihoyto, cal dlıksaymi mede lan ahunonathe a Mşihoye dıkmırdofi bı athrawotho mşahılfe dbritho.

 U waziro di mcadronutho da Mşihoye dıkmırdofi bı britho bi şultonutho d’Hungaria Tristan Azbej mırle; Klozım britho dmacılyo qola, u dımdafco a Mşihoye dıkmırdofi. U mamlano d’Azbej sim bi hfitutho di slutho dımtaybo athmıl bi mdito d’Waşington mu tukoso du furqono da Mşihoye dıkmırdofi.

Camgabe du waziro Hungaroyo, beyn da 8 mşale dsımlın mamle bi hfituthathe, kıtwo u rişono d’Amerika Donald Trump. Beyn da mıştawtfone kıtwo’ste u rişono du Mawtbo Athronoyo Suryoyo d’Suriya Bassam İshaq dkıtyo bebzabno u hadomo di mathlonutho du Mawtbo d’Suriya Demoqratoyto b’Waşington.

U waziro Hungaroyo bu mamlayde mırle’ste; Britho kula klozım dkılyo cal rağlotha u dımcadro a Mşihoye dıkmırdofi. A Mşihoye kıtlın cayni neshono dan abne da tawdiyotho hrene. Qay bu tbocofroso dbritho lıkmıfrosi a teşciyotho du rdufyo da Mşihoye xıdu qatlo dha ma  akadimikoye d’Nigeria ba yawme haroyani. Elo i naqla dıkmisım furşono bhaq d’farsufe me ğer tawdiyotho, baroyo kmıfrosi a tebathe ban athrawotho mşahılfe dbritho.

Be bzabno, u waziro Abzej mşayele: qay i sbutho du rdufyo da Mşihoye latne holucdo bi tahrazto da fulhone d’Emwotho Mhaydotho udu Huyodo d’Urifi udı ğer tukose?. Calathe, u waziro Abzej mawdacle i mşaluthayde’ yo dhowe u qolo da farsufe dlıkmışmıc qolaye l’britho awkith dhowe u qolo dani dıkloqın casqutho.

Bu huthomo du mamlayde, u waziro di şultonutho d’Hungarya Tristan Azbej, sımle qroyto lan athrawotho Mşihoye makthabzabnoye dşufci li harake, leşan u sutoro da ahonunathe a Mşihoye, ube bzabno thımle an athrawothani dıkmnasın dşımti i hiyoyuthaththe i Mşihoyto, u mırle; U medano kımagle dkito kriz di hiyoyutho.