U zawco semoloyo qawmoyo mcayadle u yawmo dıha Nisın

U zawco Semoloyo qawmoyo mhanele u yawmo dıha Nisın rişedişato du cameydan Suryoyo-Othuroyo. Bu buyono dıfrısle u zawco semoloyo qawmoyo komır u yawmano lfuth i mardutho du camo Suryoyo-Othuroyo kromız şuroyo da haye hathe, wi arco kmihattho.

Bu buyonano u zawco bi qamayto kımhanın u camo Suryoyo othuroyo bu yawmano dkıtyo u yawmo drişe di şato, u dıgromız şuroyo d’haye hathe di noşutho.

Bu buyono kmitawmır Akitu u yawmo dıha Nisın dkımcayadle u camo Suryoyo-Othuroyo  me zabno d’6770 ışne u bu şıklano u cedano kmıhşu u cedo qamoyo da came d’Bethnahrin.

U zawco bu buyoneyde komır u camano athi zıttır me ha sayfo acle, elo naqqa hreto qadır macış u yawmano u mqadşo.

U buyono komır ktılbina dhowe kenşo demoqratoyo, mdinoyo dkıtyo qimo cali kinutho wa zedqe noşoye, laşan a mothonoye dıcayşi i kinutho wi amniye u dhowe şlomo bu athro kule.

Bu huthomo u zawco semoloyo qawmoyo kımhane u camo Suryoyo-Othuroyo bu yawmano, u dmiamni a talabe wa nişe umthoye dkıtlın.