Urişwazire d’Fransa trele mi wolitheyde

Adsafro u rişwazire d’Fransa Edouard Filip mawdacle, dıtrele mi wolithayde di rişwazirutho du athro.

 Bi mawdconutho dıfrısle u rişwazire mırle, gıdtoreno mi wolithaydi elo gdımdawamno hol dlutmo i şultonutho u dobo fusqono bi sbuthathe.

Lfuth a tebe dlatne hatithe u rişqutno d’Fransa Emanuel Macron, mawdacwole dkobıc dsoyım şuhlofo bi şultonutho, leşan dımhaydır u gabayde qweytır la ğuboye du athro, mawxa u rişwazire mıstacfele.

Me gabo hreno a mfaşqone kımmi u rişwazire, nafıq mi wolitho metul dkobıc mhaydır ruhe la ğuboye dgıdowın bi şato da 2022 u gıdnofıq xıd ha mraşho di rişqutnutho, bu şıkılano gıdcobır mqabıl d’Macron.