USUP hawile qroyto li şultonutho dımcadro a faqire

U gabo du huyodo Suryoyo tibeloyo d’USUP, tlıble dmibayın mcadronutho du muklo u ştoyo la faqire d’Lebnon.

USUP bi maqırhonutho dıfrısle lu tboco froso, mawdacle du kafno laşan asniqoye d’Lebnon mahıştır mu kewo du virus d’Coronayo.

U rişono du gabo du huyodo Suryoyo tibeloyo d’USUP İbrahim Murad, bi maqırhonutho dıfrısle lu tboco froso, tlıble mi şultonutho d’Lebnon dobo amro msarhıbo la karxıwotho dmabdın buhone du mnoyo cala şawthawotho mdinoye d’Lebnon, bnişo dmiqadım mcadronwotho du muklo ştoyo la falohe yawmonoye ula faqire dkıtne sniqoye.

Murad mawdacle dkul karxutho klozım dsaymo u buhono du mnoyano ba şawthawotho mdinoye dkıtne masre acma, u mırle “u kafno i naqla dıkdoyıq a’tarce da sniqoye, u kewo di Corona gıdtılbinale i naqlayo husoyo”.

Be bzabno, u rişono d’USUP İbrahim Murad tlıble mhın karxıwotho d’Lebnon dlımbarbızi azuzaththe cal fulhone dlatne mawthrone, yaste hfitwotho dıktolın ebaye u fasad dıfris bırwihutho b’gawıd du athro, u mırle “u kafno lıkmarhım u bnaynoşo”.