USUP mfaraqle mcadronutho yarhonoyto la yaqrotho dkıte sniqutho

U gabo du Huyodo Suryoyo Tibeloyo kımdawım bu snodayde u yarhoyo la yaqrotho dkıtne sniqoye li mcdaronutho.

U gabo kull yarho, kımfarıq mcadronutho yarhoyto la yaqrotho sniqoye u athmıl’ste mfaraqle mcadronutho bu qentrunayde dkıtyo b’Sad elbuşriye b’Beyrut.

 U gabo du Huyodo Suryoyo Tibeloyo-USUP mu zabno di aykanoyutho d’Lebnon hariwo, kull yarho kımfarıq mcadronutho la yaqrotho sniqoye dkito bu athro kule. Athmıl’ste u gabo mfaraqle i mcadronutho yarhoyto l’200 yaqrotho dıkhoyın bu Sahıl d’Matin dkıtlın sniqutho di ciyeşe.

Bu zabno du feroqo di mcadronuthathe u rişono du gabo Brahim Murad hule maqırhonutho, dmaşbahle u athro d’Lebnon bu İran, u hathe simo cal idoth da rişone da gabe du athro leşan u camo dhowe sniqoyo ele mafqarlın a şutose di şultonutho wa şırak hrene xıd du nafto u ğer.

Murad bu mamlayde mırle; Mıqa da rişone da gabe du athro dkıbci manıhti i nafşo du camo Lebnono’yo, lıgmakışri metul ahna u camo şerşoyo di dukthathena u mawxa bi harayto hani dsımlın a hawbani gıdxusri mqabıl du camo.

Bıthır mu mamlayde, i mşalonitho di claymutho du gabo i mgabayto Layla Latte cama hadome du gabo mfaraqlın a mcadronwotho yarhonoye la 200 yaqrotho di fnitho d’Sahıl Elmatın u garbyoyo. Be bzabno maqadamlın tawdiyotho la şutose u la gabe du Mawtbo Umthoyo d’Bethnahrin u dilonoyith lu Slibo Suryoyo ulu şutoso d’Şlomo, dkıtne şutose di mcadronutho.