Ytawto beyn Paşinyan u Putin b’Kremlin
U rişwazşre d’Armenia Nikol Paşinyan, sımle socurutho ruşmoyto l’Rusya u hawile ytawto camu rişono Vlademir Putin b’Kremlin. Bi sbutho da esore dbeyn Armenia u Azerbaijan’ste, mqadamla ucdo Yerevan lohitho d’nuqze leşan a droşe du şlomo dbeyn da tre athrawotho.
U rişono d’Rusya Vlademir Putin mıstaqbele u rişwazire d’Armenia Nikol Paşinyan bu makthbayde b’Mosko u hawilın athmıl ytawto dilonoyto-privat camhıdode, bıthır ma lqoyotho dhawile Paşinyan cama rişone du tukoso şawtufoyo di mşaynutho udi methcadronutho.
Lfuth u makthbo d’Putin, bi ytawtathe a 2 rişone kalın cali sbutho d’Qarabax wa droşe du şlomo beyn Armenia u Azerbaijan. Paşinyan kali’ste cali ulsoyutho du dawro du tukoso di Mşaynutho udi Methcadronutho d’Urifi wu sabro dkıtte, da droşani dhowın mcadrone bu şuşoto da fulhone du tukosano.
Me gabo hreno, walaw i saqıbloyutho di şultonutho d’Armenia kımdawmo dmahwıyo u hfuxyayda li sbutho da droşe beyn Armenia u Azerbaijan, Yerevan mbayanla lohitho d’6 nuqze leşan a droşe du şlomo cami şultonutho d’Baku. İ nuqzo qamayto di lohithathe, kmıtlıb me Azerbaijan dobo fuşoqo calu plan dıklozım dımqadmowale 21 bu yarho d’Şbot, elo dımşawharwola l’11 Odor.
Beyn da nuqzani, kımawdıco Armenia’ste dlatwola lo meqım u loste ucdo plan dkubşo arcotho d’Azerbaijan u kalyo cali ulsoyutho du tehiwo du garanti di mşaynutho dan Armınoye dkıtne b’Qarabax-dmiyaqri a zedqe wi hiruthathe u dmimıd fusqono haroyo calu status du qlimano d’Nagorno Qarabax.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
