Zıt me alfo farsufe mwayace ahayathe mu Virus d’Corona

U mınyono da banynoşo dımvayaclın a hayathe bu virus d’Corona, şafıc an alfo farsufe.

 İ daira du hulmono du Sin m’akadla, dhol 1.016 bnaynoşo nqili holucdo ma haye; beynothoye 103 bu qlimo d’Hubey. Mawdıc dkito’ste 25 alfo kayiwe ba bethkrihe.

Kull yawmo dıkşofıc, kızoyıd u mınyono da bnaynoşo dıktofelın u dıkmınqoli ma haye mu virusano d’Corona. Mcal fothe du virusano dhuwle husrono rabo lu momuno du Sin cal dkalın a fulhone da şırak rabe du athro, mawdıc dhol 1016 farsufe mvayaclın a hayathe.

Bu qlimo d’Hubei dımşarele u virusano, mawdıc dhol 103 farsufe nqili athmıl ma haye u m’akıd, dkito 2.097 fasufe hathe dtafilın u virusano u hathe kuthyo li mıcne, dkito hol 31.700 bnaynoşo dtafilın ucdo u kewano di Rotho-di fışşıke. Wu 25 alfo bnaynoşo kmicalçi ba bethkrihe b’Hubey; u mani’ste i aykanoyutho dhol 1.298 bu qentoyo.

U froshezwo ruşmoyo du Sin mawdacle, i mdabronutho d’Hubei mıdla 2 rişone du komisyon du Hulmono du qlimo mi wolithathe cala sturye dathın calu qedomo dhawi la tedbire dıklozım dmimodiwo mqabıl du rwoho du virusano.

Bebzabno u tbocofroso Emwothoyo grışle u zuhoro calu fusqono dmid bu Sin, dmiçaze u farsufo lu mawto en dırofıd dmitahıt bu karanten-awkith bı duktho mbayanto, leşan dlo mibarbız u virusano.