A hayle d’Qasad sumlen cuboqe cala nuqazyotho d’Qaraqosaq
A’haylawotho d’Suriya demoqratoyto d’QASAD bu hçomo dsımlın cal foqudutho Turkoyto bi tello d’Qaraqosaq, hulın funoyo la gunhe barbroye dıksaymolın Turkiya wa çatawiyayda mqabıl da came du qlimo du garbiyo udu madınho d’Suriya. Camgabıdathe, a’mharbone d’QASAD qtilın tre marıhbone dı Dacış bu zabno dımnaselın dhıçmi cal nuqazto folhoyto da haylawotho d’Suriya demoqratoyto hedor di mditho di Hasake.
Xıd funoyo la hçome barbroye dkımdawmo dsaymolın Turkiya cala came du garbiyo u madınho d’Suriya, a’haylawotho d’Suriya demoqratoyto d’QASAD sımlın athmıl cuqobo folhoyo cal foqudutho du gayso Turkoyo uda grube çatawiyayde bi tello d’Qaraqosaq bu kanton dı Froth bu garbiyo d’Suriya. Bu cuqobano dsim mçarıh menyono d’folhe Turkoye u çatawiye u hew husrono rabo li foqudutho Turkoyo.
Mxasra hreto, a’taysiyotho du qrobo dı Turkiya sımlın athmıl şişaltho d’hçome cali qritho d’Altine ud’Ğasaq ucali tello d’Sifi dıknıfli hedor du geşro d’Qaraqosaq bu garbiyo d’Suriya. Ba hçomani dsimi hew husrono momunoyo rabo la mulkone da mdinoye.
Bebzabno, u gayso Turkoyo wa çatawiyayde mdawamlın athmıl blalyo a’hçomaththe b’tayisyotho dlo pilot calu masxoro dı Tışrin, u mıdlın nişo elaye i qritho d’Xırbıt Alzamala dıknıflo hedor du masxoro, u hulın ste husrono momunoyo rabo lu guşmo du masxoro.
M’gabo hreno, qtil tre marıhbone ma krulyotho du tukoso dı Dacış bu zabno dımnaselın dhıçmi cal nuqazto da haylawotho d’Suriya demoqratoyto bu taymno di mditho di Hasake.
A’tre marıhbonani mnaselın athmıl safrayto dşıfci li nuqazto d’QASAD, elo a’mharbone da haylawotho d’Suriya demoqratoyto dırğışlın bi harakaththe masrıslın aclaye buğre u qtililın.
Putin hule şudoyo dgımdawım u fulhonayde leşan u sutoro da Mşihoye bu Madınho
U rişono d’Rusya Vlademir Putin bi maqırhonutho dhule lu tbocofroso, makadle dkobıc dımdawım bu …
