A Mşihoye, a Maşılmone wa Yudoye layimi b’Woşington d’Amerika u msalelın camhıdode leşan a dıbhe da zalzalat dhawın b’Turkiya u b’Suriya

WOŞINGTON – Ba zabne da hçome marhıbone qaşye, bu haşo mayiro uba gunhe dkowın b’britho, kılaymi naqlat a rişone d’tawdiyotho frişe u kımsalın camhıdode u kıtulbi rahme me Aloho. İ sbutho da zalzalat dhawın b’Turkiya u Suriya’ste, malımlın a Mşihoye, a Yudoye wa Maşılmone d’Amerika lhıdode.

Bi slutho mşawtafto dsimo athmıl b’Woşington d’Amerika, a rişone tawdithoye da citotho ahwotho, da Yudoye uda Maşılmone layimi lhıdode leşan slutho mşawtafto la dıbhe da zalzalat dhawyın 6 bu yarhano. Mu camaydan’ste hadır u hasyo di cito Suryoyto Orthodoksoyto di marcitho d’Amerika Sayıdna d’Mor Dionysius Jan Kawak.

İ hfituththe i ruhonoyto mtaybo mu rişihsayo di cito da Yawonoye Orthodoksoye Mor Elpidophoros u hadırla’ste, u rişizgado d’Turkiya b’Woşington Hassan Murat Merçan, u mşalo d’Diyanet bi rişizgdutho-Bilal Kuşpinnar, u mallah da Maşılmone Nurhullah Çelebi, u hasyo di cito Şlihoyto dan Armınoye Vicken Aykazyan, wu rişono tawdithoyo da Yudoye Richard Marker uğer.

Bu dumyano, a hadire kulle camhıdode msalelın leşan a dıbhe da zalzalat u qre mamle ma kthowe qadişe da tawdiyothani u tlib husoyo, hulmono u snodo la dıbhe dım’athri ma gunhani du kyono b’Turkiya u b’Suriya.