A neşe mahwelın hfuxyo bu yowmo d’8 Odır mqabıl du cnufyo u da qatle cala neşe b’Turkiya

Adyoma b’Turkiya naqa hreto nahiti a neşe la şuqone laşan dmahwın u hfuxyathe mqabıl di dişutho du cnufyo u du qatlo da neşe dkowe b’Turkiya mu taraf da gabre cal ışme du şaraf u xeyr.

Xıd kul şato bu yawmano dı 8 oder dkıtyo u yawmo tibeloyo du mrodo da neşe a neşe kmaşımci u qolathe dkıtne mqabıl di lo şawyutho dkito bayn ğenzo da gabre u da neşe.

Ba mdinotho mşahılfe d’Turkiya a neşe nafiqi la şuqone laşan dmahwın u hfuxyathe mqabıl du qatlo du cnufyo dkowe u d’Zayıd ba zabne haroye mqabıl dıthe bu athro d’Turkiya.

Bu van b’omid ba alfowat d’neşe hadiriwo ba hfitwotho da neşe dımtaybiwo laşan dmahwın u mrodo wu hfuxyo dkıtlın mqabıl di dişutho dıksaydo mqabıl da neşe.

Ba yawmothani dkıtyo u yawmo du mrodo da neşe kothın a tebe du qatlo u du mahyo dkowe b’Turkiya naqqa hreto mathlo lu medano athmıl bi mdito d’Samsun b’falge di şuqo ha farsufe kmohe li athteyde dmeqım mqabıl di bartheyda dkıtyo bu cımro nacimo  hul dmamtyole lu qatlo bi sbuthathe bfalge di şuqo kowe u mahyano u lo nose kımdaxıl li sbutho.

Be bzabno dkul yawmo kothe tebe du mahyo da neşe u du qatlathe a mşale di şiltonutho bi rişonutho d”Erdoğan maqrahlin dkimhanin u yawmano u gidmaydi tadbire mqabil du qatlo u du cnufyo dkowe cala neşe.

Bu zabno da mşale di şıltonutho dıksaymi a maqırhonwotahni u riş mala d’Ayasofya Profesor doktor Mehmet Boynukalın kforıs bu twitter dkıtle komır a tebe dıkforıs u tboco froso latne star mi propoğanda dıksaymi hın mu tboco froso.

U şuwole dkothe harke lu bolo u mamlo d’Erdoğan lman ksamle lu camo u la malwin dkıtne bu dumyano dheş komır u cnufyo wu qatlo da neşe latyo şrolo.