A şırak dıknuqli kahrobo l’Lebnon maklelın a fulhone du nqolo du kahrobo lhın dukotho

Mcal fothe di xalyutho folitiqoyto u da rişone d’Lebnon, dlıknufqi moro lu athro u camoste hanaqla kmıhrım mu kahroboste.

Bıthır mıd a şırak dıknuqli kahrobo l’Lebnon lıkmitahwelın a zuzathe, maklelın a fulhone du nqolo du kahrobo lhın ma fınyotho du athro.

I sbutho mahişonitho d’Lebnon kımdawmo hanaqla, du camo lıkqodır dsoyamle muklo yaste d’zowın darmone, dızze la bethkrihe metul dharıw u momuno cal d’Lebnon, fayış layba dobo a zuze da şırak du kahrobo.

Calathe’ste a şırak maklelın hın ma nuqazyotho du nqolo du kahrobo.

I sbuthathe du kahrobo dkıtyo ğalabe ulsoyto, dlo miqafela şroyo-kiba dhuwyo celtho lu mawtbo da bnaymothoye, metul en a dukane da darmone, a bethkrihe wa nuqazyotho da osawotho dlowelın kahrobo-laybın dhowın mcawnone lu camo.

A şırak dınuqli u kahrobo du athro-şırak nuxroye’ne u latne di şultonutho u mawxa inaqla dlo mitawhelın a zuzathe du kahrobo, inaqla’yo hınne’ste gıdmaklın a fulhonathe. A zuzani da şırak, kmitahwın mi şultonutho u bıthır hiyaste, ıkmaydo a zuze mu camo. Elo bıthır mıd layto şultonutho wu camo latle muklo doxıl, kull yawmo ba şuqone kımahwe u hfuxyayde mqabıl da rişone.

Mathlo lu medano bi fnitho d’Zahle u yawmo tarte şoce kmitahwe kahrobo lu camo. İ sbuthathe d’Lebnon, dmamtyo i aykanoyutho du athro l’darğo du kafno wa rişone dlıknufqi moro li mşaluthathe mqabıl du camo.