Abuna Dınkha Ablahad Mahkele Cala Hjome Dkowe Calu Cameydan

Bi sbuthathe i mawdconutho dmıdlan mu kohno di cito Kaldoyto d’Mawsal abuna Dınkha Abllahad mahwele ftiho, mın kmisım ba qawre du cameydan. Bşem Abo wu Abro ruha qadişo had Aloho şariro Amin. Ahunone, kito sbutho sagi ulsoyto dıklozamla fuşoqo. 24 bu yarho d’Kounun u qamoyo da 2019 sımlan socurutho la bethqbure d’Badoş b’Mawsal, u hiya kmıhşowo a bethqbure rabtho da Mşihoye dkıtyo b’Mawsal. Hzelan i cito dkıtyo ba bethqburo shifto bnaqla hdo. İnaqla dkarıxina beyn da qabre, hzelan nahşe ftihe u qawre hfire-hathe i socurutho qamayto dsimolan la bethqbure’wa. 

Bıthır mi socuruthathe ba casro yawme 2 bu yarhano da 2020 sımlan naqla hreto socurutho la bethqburani d’Mawsal bu snodo da hayle du sutoro. Laqina bı mede dlo mıtyaqanlan dhozinale. Hzelan a nahşe ftihe wa şlade latne bı gawaye-hathe kmahıwyo dmıştace ba qabrani.

Qay u medano ya ahunone. Hani matın lu husoyo d’Aloho, mın kıbcutu meneye, aw  cal dkıtne Mşihoye? U qay, u hatta ida Mşihoye’ne qay hawxa hawbe. Qay mın sımlın mqabıl dıthxu, gnuwlın an arcothathkhu aw u malathkhu? Ktulbina mi şultonutheydan du Iraq dmisım buhono bi sbuthathe leşan dmidıc manne a sayome.

Klozım dıdcina kıtlın zedqo dsaymi u medano aw ko kurkhi cal dahwo. Lıkmıgroşina dımmina hani latne a marhıbone d’Dacış, metul d’Dacış mawfıq mu Iraq meqım me 3 eşne. Elo kiban dımmina da farsufe dkıtne bu renyo d’Dacış mqabıl da Mşihoye. Bu huthomo kımqadmina tawdiyotho li fırqa da 57 dhawın sanode bi socurutheydan la bethqbure d’Badoş.