Abuna Yusuf Akbulut gımşare dxodım a citotho di qritho d’Ciwardo

İ qritho d’Ciwardo b’Turabdin dhani 20 eşne dlo kohno’yo, mbayın ucdo abuna Yusuf Akbulut d’xodım u dımşamış a tlotho citotho di qritho wa comurayda.

Bebzabno u kohno hatho di qritho, gıdmawlıf a nacime u leşono Suryoyo wu tekso di cito Suryoyto Orthodoksoyto.

İ qritho d’Ciwardo dkıtyo hdo ma qıryawotho d’Turabdin dheş kıhoye eba mınyono celoyo man abne du camaydan, qayıthla ucdo kohno leşan d’xodım a citothayda. Abuna Yusuf Akbulut dhthımwole i wolithayde bi cito d’Yuldath Aloho b’Omid, mbayın kohno l’Ciwardo.

A Cwarnoye’ste dkıtwolın sniqutho l’kohno, tlıbbe du Abuna d’xodım a citothathe di qritho. Bu şıkılano’ste, bıthır mıd a Cwardnoye du athro udi golutho m’ayade u renyano, mid fusqono d’Abuna Yusuf d’xodım a tlotho citotho di qritho.

Bebzabno, abuna Yusuf Akbulut dıkmidıc bi klaytayde mqabıl du rejim Turkoyo bi sbutho du Sayfo dan 1915, gıdmawlıf a nacime kulle di qritho u leşono Suryoyo emhoyo. Ciwardo’ste hdo ma qıryawotho rişoye du camaydan du qlimo, dhuwla ağono bu zabno du Sayfo’yo.