Agalwoye hawın u teştıcınyo di siyase dkımmaşe u athro d’Turkiya

İ sbutho da galwoye dkıtne bayn la thume d’Turkiya u la athrawotho du huyodo d’Urifi hawın u droşo yawmoyo bayn Turkiya wu huyodo d’Urifi.

Bi maqırhonutho dhule u huyodo d’Urifi tlıble me Turkiya dı makılyo u madıcro a galwoye dkıtne cala thume, u be bzabno i gozarto d’Qufrus mıdla fusqono dımşadro folhe xıd mcadronutho lu yawnan.

Bi sbuthathe da galwoye dkıtne cala thume d’Turkiya wu Yawnan inaqa ha dıghoze a hızwone u surotho dkothın me tamo kothe l`bole a zabne catiqe inaqa da bnaynoşo kmahızmiwo ma qtolcame dmisomiwo aclaye.

Me gabo a folhe d’Turkiya kımcawni a galwoye dıkmawblınne cala thume laşan dıfayti li xasra hreto, mi xasra du Yawnanste a haylawotho di mşaynutho kmahti klayto laşan da galwoye dlıfayti, bu şıkılano a galwoye hawın u teştıcınyo di siyase dkımmaşe u athro d’Turkiya.

U rişwazire d’Qufrus Nikos Anastasiadis bi mawdconutho dhule mırle mıdlan fusqono dımşadrina folhe xıd mcadronutho laşan a thume du athro du yawnan dlı cıbri a galwoye me Turkiya.

Bu zabno du rişqutno d’Turkiya Recep Tayip Erdoğan dkıtyo azole lı Bruksel d’loqe a mşale d’Urifi bi sbutho da galwoye, friso i maqırhonutho du huyodo d’Urifi dkımzahro Turkiya dıklozım gurşo a galwoye dkıtne cala thume du Yawnan, u makılyolın dı fayto l’Urifi.

Be bzabno Erdoğan tlıble mu Yawnan dı fotıh a tarceyde la galwoye laşan dıfayti l’Urifi.

Bu şıkılano a galwoye dkıtne me Suriya u ma athrawotho hrene mşahılfe hawın u tacno dıkmitawbıl u kmitamte cala thume d’Turkiya u da athrawotho urifi dkıtne a şbobe d’turkiya.